Miss Sandra Teta afungiwe muri Gereza ya Nyarugenge

Yanditswe na Bukuru JC
Kuya 20 Werurwe 2017 saa 11:57
Yasuwe :
0 0

Miss Sandra Teta amaze igihe afunzwe ndetse ubu yagejejwe muri Gereza yahoze yitwa 1930 [Gereza ya Nyarugenge] aho akurikiranyweho icyaha cyo gutanga sheki itazigamiye.

Mu mpera z’icyumweru gishize nibwo amakuru yatangiye gucicikana ko Miss Sandra Teta afunzwe nyuma y’igihe kinini yari amaze atagaragara. IGIHE yahawe amakuru ko uyu mukobwa afunganwe n’izindi mfungwa n’abagororwa b’abagore muri Gereza ya Nyarugenge mbere y’uko bimurirwa ahandi.

Umuvugizi w’Urwego rw’Amagereza mu Rwanda, SIP Hillary Sengabo yabwiye IGIHE ko muri dosiye ya Miss Sandra Teta bigaragara ko akurikiranyweho icyaha cy’ubuhemu no gutanga sheki itazigamiye.

Yagize ati "Ntabwo nzi neza igihe Sandra yagereye hano ariko mu byo akurikiranyweho harimo icyaha cy’ubuhemu n’icyo gutanga sheki itazigamiye."

SIP Hillary Sengabo yavuze ko Miss Sandra Teta yahawe iminsi 30 yo gufungwa by’agateganyo mu gihe hagikorwa iperereza ryimbitse no gutegura neza urubanza aregwamo na Serena Hotel ari nayo imurega kuyiha sheki itazigamiye.

Sandra Teta yaherukaga kuvugwa cyane mu itangazamakuru mu Ukwakira 2016 kubera ibibazo yari afitanye n’ Ikompanyi icuruza inzoga zikomeye yitwa STS Trade yamureze muri Polisi y’u Rwanda imushinja kurigisa inzoga zifite agaciro ka miliyoni zisaga eshanu yahawe ubwo yateguraga ibirori bya ‘Teta All Red Party’.

Ni ku nshuro ya gatatu Sandra Teta afunzwe akekwaho icyaha cyo gutanga sheki zitazigamiye, bwa mbere yatawe muri yombi tariki ya 22 Nyakanga 2015, icyo gihe yishyuzwaga n’umucuruzi witwa Nkusi Godfrey wamuhaye amafaranga 4,800,000 ubwo yateguraga ibirori by’imideli bya Rwanda International Fashion World (RIFAW).

Yaherukaga gufungwa mu Ugushyingo 2015, nabwo yakekwagaho gutanga sheki eshanu zitazigamiye. Icyo gihe Ubushinjacyaha bw’u Rwanda bwatangaje ko izo sheki zari zihwanye n’amafaranga miliyoni 28.

Miss Sandra Teta afungiwe muri Gereza ya Nyarugenge

Ibyumweru bitatu birashize Sandra Teta atagaragara, umunyamakuru wa IGIHE yaherukaga kumubona mu mpera za Gashyantare 2017 muri kamwe mu tubari dukomeye i Nyarutarama.

Ni ku nshuro ya gatatu Sandra Teta atawe muri yombi akurikiranyweho sheki itazigamiye

Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza