Miss Uganda 2013 na Tayo wari indwanyi muri Big Brother bageze i Kigali (Amafoto)

Yanditswe na

Munyengabe Murungi Sabin

Kuya 26 Werurwe 2015 saa 02:41
Yasuwe :
0 0

Stella Nantumbwe wabaye Nyampinga wa Uganda 2013 akanitabira Big Brother Africa ya 9 yageze mu Rwanda ari kumwe na mugenzi we Tayo Faniran wahagarariye Nigeria muri aya marushanwa aheruka kubera muri Afurika y’Epfo.

Aba bombi bageze ku kibuga cy’indege cya Kigali i Kanombe ahagana saa saba zo ku gicamunsi cyo kuri uyu wa Kane tariki ya 26 Werurwe 2015. Tayo Faniran yageze mu Rwanda aherekejwe n’abasore babiri, yakiriwe n’inshuti asanzwe afite mu Rwanda zanamugaragarije urukundo rukomeye mu kumwakira.

Aba bombi, Tayo na Ellah(Miss Uganda Stella Nantumbwe), bitabiriye Big Brother ya 9 ari naho bahuriye n’abahagarariye u Rwanda, Nkusi Arthur na Frankie Joe ari na we wateguye urugendo rwabo.

Mu kiganiro bagiranye n’itangazamakuru bavuze ko baguwe neza no kugera mu gihugu cy’u Rwanda, by’umwihariko bishimiye isuku, iterambere n’imikorere basanganye Abanyarwanda.

Tayo usanzwe ari umuraperi yavuze ko icyo yishimiye kurusha ibindi ari uburyo yasanze Abanyarwanda aria bantu biyoroshya kandi barangwa n’urukundo hagati yabo.

Tayo wo muri Nigeria ngo akunda Abanyarwanda cyane

Yagize ati “ Ni ubwa mbere ngeze mu Rwanda , nishimiye kuba ndi hano, njye kureba umwe mu bavandimwe banjye wabyawe n’undi mugore, Frank Rukundo. Kuva na kera nakundaga u Rwanda, hari izindi nshuti mfite hano, twabanye muri Johannesburg. Nkunda Abanyarwanda, bariyoroshya, barakundana.”

Tayo wabaye uwa kabiri muri Big Brother Africa na we ngo afite ibikorwa ashaka kuzahurizamo bagenzi be babanye muri iri rushanwa ndetse agashimira Frank Joe wabaye inkwakuzi akabikora mbere y’abandi.

Ati “Ibyo Frankie Joe yakoze birerekana uburyo akorana umurava kandi ni mukuru. Nanjye hari gahunda mfite yo kuzahuriza hamwe abo twabanye muri Big Brother Africa”

Ellah wabaye Miss Uganda 2013 na we yageze mu Rwanda

Mugenzi we Stella Nantumbwe wahagarariye akoresha izina rya Ellah na we yashimangiye ko u Rwanda ari igihugu cyo kuratirwa amahanga kubera umwihariko yagisanganye mu nzego zitandukanye.

Tayo na Ellah bageze mu Rwanda nyuma ya Permithias wo muri Namibia na Nhlanhla wo muri Afurika y’Epfo bahageze kuri uyu wa Gatatu. Bose bazifatanya na Frankie Joe mu gitaramo cyo gushyira hanze album ye ya mbere yise ‘Alive to Love’.

Ibyishimo byari byose kuri Frankie Joe
Urugwiro rwari rwose hagati ya Tayo n'inshuti asanzwe afite mu Rwanda
Tayo asuhuzanya na Frankie Joe bigeze guterana ibipfunsi muri BBA

Amafoto: Nkinzingabo Jacques

Twitter: @murungisabin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza