Miss Umuhoza Sharifa yambitswe impeta n’umusore bagiye kurushinga

Yanditswe na Dusabimana Aimable
Kuya 15 Mutarama 2018 saa 11:46
Yasuwe :
1 0

Umuhoza Sharifa wambitswe ikamba ry’umukobwa wakunzwe kurusha abandi muri Miss Rwanda 2016, akanaba igisonga cya kane cya Nyampinga w’u Rwanda, yambitswe impeta n’umusore bagiye kurushinga.

Uyu mukobwa yibukirwa cyane ku buryo yashyigikiwe bikomeye n’ubuyobozi bw’Intara y’Amajyaruguru yari ahagarariye muri Miss Rwanda 2016.

Miss Sharifa yatangarije IGIHE ko yamaze kwambikwa impeta n’umusore bamaze igihe bakundana, akaba ari intambwe ya mbere yerekeza mu kuzabana nk’umugabo n’umugore.

Yagize ati "Yego nibyo, na gahunda yo kurushinga irahari vuba, ni umwiteguro wa mbere wari ubaye, igihe ubukwe buzabera nacyo tuzagitangaza. Hari ibyo twebwe tuba twifuza ariko hari igihe wenda bishobora guhinduka bitewe n’impamvu runaka."

Yongeyeho ati "Ndamukunda cyane kandi nishimye, ikindi ni ukumusezeranya ko nzamubera umufasha mwiza."

Uyu mukobwa ntiyakunze kugaragaza umusore bakundana mu itangazamakuru cyangwa ku mbuga nkoranyambaga, umwanzuro yemeza ko agihagazeho kugeza igihe bazaba bagiye kurushinga.

Miss Sharifa aherutse gusoza amasomo ye muri Kaminuza Yigenga ya Kigali (ULK) mu mpera z’umwaka ushize mu ishami ry’Icungamari.

Sharifa yavukiye kandi akurira mu Kagari ka Mpenge, Umurenge wa Muhoza,. Akarere ka Musanze.

Nyuma yo kwitabira irushanwa rya Miss Rwanda, Umuhoza Sharifa yagaragaye mu bikorwa bitandukanye byiganjemo ibyo gufasha abana b’abakobwa babyariye mu rugo. Yatanze imashini 12 zidoda mu ihuriro yise "Association Icyerekezo" rihuriwemo n’abakobwa bo mu Karere ka Musanze batewe inda bikabaviramo gucikiriza amashuri.

Miss Umuhoza Sharifa yambitswe impeta n’umusore bagiye kurushinga
Miss Umuhoza Sharifa yarangije muri ULK
Miss Umuhoza Sharifa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza