Momo wari ufungiwe gucuruza abantu yavuye muri gereza

Yanditswe na Uwiduhaye Theos
Kuya 30 Mata 2019 saa 04:52
Yasuwe :
0 0

Mbabazi Maureen wamamaye mu muziki nka Momo wari umaze igihe afungiwe muri gereza ya Muhanga, yafunguwe kuri uyu wa Kabiri tariki 30 Mata 2019.

Uyu muhanzikazi yamenyekanye mu Rwanda mu 2012 akora umuziki wa Dancehall afashwa n’inzu itunganya indirimbo ya Future Records.

Ibyo kuririmba yabimazemo igihe gito ahita yinjira mu cyiciro cy’abakobwa b’ikimero bagaragara cyane ku mbuga nkoranyambaga ndetse agakunda kugira ingendo za hato na hato hanze y’u Rwanda.

Umwe mu nshuti za hafi z’uyu muhanzikazi yabwiye IGIHE ko koko yafunguwe.

Ati “Nibyo Momo yafunguwe, yavuye muri gereza saa tanu za mu gitondo kuri uyu wa Kabiri.”

Mbabazi Maureen yafatiwe ku Kibuga cy’Indege Mpuzamahanga cya Kigali mu ntangiriro za Gicurasi 2018 ari kumwe n’umukobwa bikekwa ko yari ajyanye gucuruza mu mahanga.

Muri Kamena 2018, Umuvugizi w’Ubushinjacyaha bw’u Rwanda, Faustin Nkusi, yabwiye IGIHE ko Mbabazi yafashwe n’inzego zishinzwe umutekano arafungwa ndetse yakorewe dosiye atangira no kuburanishwa.

Yabanje gufungirwa muri Gereza ya Nyarugenge aho nyuma yo gukatirwa igihano cy’igifungo cy’umwaka, yavanwe akajya gukomereza ibihano muri Gereza ya Muhanga.

Momo yakoze indirimbo zitandukanye guhera mu 2012 ubwo yinjiraga mu muziki, yanakoreshejwe mu mashusho y’indirimbo zirimo iza TBB. Yafunzwe aheruka kugaragara mu ndirimbo yahuriyemo na Mr Kagame bise ‘Shakira Ahandi’.

Momo yafunzwe aheruka kugaragara muri iyi ndirimbo ya Mr Kagame yagiye hanze mu 2016


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza