Kwamamaza

Mutesi Jolly na bagenzi be bakorewe ibirori bibaha ikaze i Washington (Amafoto)

Yanditswe kuya 2-12-2016 saa 09:02' na Munyengabe Murungi Sabin


Mutesi Jolly n’abakobwa bagenzi be bahataniye ikamba rya Nyampinga w’Isi bakorewe ibirori bikomeye byo kubaha ikaze ku mugaragaro mu muhango wabereye mu nyubako ya Capitol Building.

Ku gicamunsi cyo kuwa 30 Ugushyingo 2016, Mutesi Jolly na bagenzi be batemberejwe ibice bigize inyubako ya Capitol Building [benshi bayita Capitol Hill] ikoreramo Inteko Ishinga Amategeko ya Leta Zunze Ubumwe za Amerika.

Iyi nzu yubatswe mu mwaka wa 1800 nayo yabereyemo umuhango wo kubaha ikaze mu Mujyi wa Washington D.C. ahari kubera Miss World 2016.

Irushanwa rimaze iminsi mike ritangiye gusa abakobwa batangiye gutorwa kuri internet hashakishwa ukunzwe kurusha abandi ari na we uba ufite amahirwe menshi yo kwambikwa ikamba.

Mutesi Jolly ni we waserukiye u Rwanda ku nshuro ya mbere, kumutora bikorwa iyo ubanje gushyira muri telefone porogaramu [application] yitwa Miss World hanyuma ukayifungura ugashakisha uyu mukobwa ukamushyira muri batatu ba mbere wifuza.

Irushanwa ririmo abakobwa bagera ku 120 bo ku Migabane yose yo ku Isi, Afurika ihagarariwe n’ibihugu 21 barimo Cote ‘Ivoire, Misiri, Uganda, Repubulika Iharanira Demokarasi ya Congo, Botswana, Equatorial Guinea, Ethiopia, Ghana, Guinea, Guinea-Bissau, Kenya, Lesotho, Mauritius, Madagascar, Nigeria, Seychelles, Sierra Leone, Afurika y’Epfo, Sudani y’Epfo, Tanzania n’u Rwanda.

Miss Mutesi Jolly yageze mu Mujyi wa Washington ahari kubera irushanwa kuwa Gatandatu tariki ya 26 Ugushyingo 2016. Ku munsi wa mbere w’irushanwa habaye igikorwa cyo kumenyana kw’abakobwa bitabiriye irushanwa nyuma mu ijoro ryo kuwa 27 Ugushyingo biyerekana mu cyiciro cyo kugaragaza impano ya buri wese ‘talent audition’.

Mutesi Jolly waserukiye u Rwanda ntiyibonye mu bakobwa 20 ba mbere berekanye impano zihariye. Yerekanye agaseke, yari yambaye agakanzu gato k’umukara kadoze mu buryo bujya kumera nk’ishabure zambarwaga mu myaka yo hambere mu Rwanda.

Miss World 2016 iri kuba ku nshuro ya 66 izasozwa kuwa 18 Ukuboza 2016 mu birori bikomeye bizabera kuri Gaylord National Resort & Convention Center mu Mujyi wa Washington, D.C.

Umukobwa uzatorwa azasimbura Umunya-Espagne Mireia Lalaguna wahawe iri kamba rya Miss World mu mwaka wa 2015.

Nyampinga wa USA
Mutesi Jolly, Nyampinga w'u Rwanda [ni uwo wa kabiri wambaye umweru uturutse ibumoso]
Mutesi Jolly na bagenzi be imbere y'inyubako ya Capitol Building
Nyampinga wa Nicaragua, uwa Dominican Republic n'uwa Georgia.
Nyampinga wa Argentina
Nyampinga wa Uganda
Nyampinga wa Sudani w'Epfo
Nyampinga w' u Burusiya
Nyampinga wa Nigeria

Photos: Dory Long Dan


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved