Kwamamaza

Mutesi Jolly ntiyabonetse muri 21 bafite impano yihariye muri Miss World

Yanditswe kuya 30-11-2016 saa 11:37' na Munyengabe Murungi Sabin


Irushanwa rya Miss World rihurije hamwe abakobwa Abakobwa 21 batoranyijwe nk’abanyempano kurusha abandi mu 120 baturuka mu bihugu bitandukanye ku Isi bahataniye ikamba rya Miss World umwaka wa 2016.

Miss Mutesi Jolly ni we wabimburiye abandi guserukira u Rwanda muri iri rushanwa ry’ubwiza rikomeye kurusha andi ku Isi. Yageze mu Mujyi wa Washington ahari kubera irushanwa kuwa Gatandatu tariki ya 26 Ugushyingo 2016.

Ni ku nshuro ya mbere umukobwa wo mu Rwanda yitabiriye Miss World kuva mu 1951 ubwo yateguwe bwa mbere. Miss Mutesi Jolly ni we wabimburiye abandi ndetse avuga ko yiteguye kuzatsinda.

Miss Mutesi Jolly yageze mu Mujyi wa Washington ahari kubera irushanwa kuwa Gatandatu tariki ya 26 Ugushyingo 2016. Ku munsi wa mbere w’irushanwa habaye igikorwa cyo kumenyana kw’abakobwa bitabiriye irushanwa nyuma mu ijoro ryo kuwa 27 Ugushyingo biyerekana mu cyiciro cyo kugaragaza impano ya buri wese ‘talent audition’.

Mutesi Jolly waserukiye u Rwanda yerekanye agaseke, yari yambaye agakanzu gato k’umukara kadoze mu buryo bujya kumera nk’ishabure zambarwaga mu myaka yo hambere mu Rwanda.

Nyuma yo kwiyerekana mu mpano zitandukanye, ubuyobozi bwa Miss World bwatangaje abakobwa 21 babaye aba mbere mu kwerekana umwihariko mu buhanzi n’ubugeni gusa uw’u Rwanda ntiyabonetsemo.

Abakobwa batsinze bazatoranywamo uwa mbere uzahabwa ikamba rya Miss World Talent 2016 ari na ryo kamba rya mbere rizatangwa nk’uko bigaragara ku mbuga zitangaza amakuru y’iri rushanwa.

Abakobwa bo mu bihugu 21 batsinze ni:

- Nyampinga wa Chile : Yacuranze Violin
- Nyampinga wa Cook Islands : Yarabyinnye anavuza ingoma
- Nyampinga wa Croatia: yararirimbye
- Nyampinga wa Czech Republic: Yarabyinnye
- Nyampinga wa Fiji: Yarabyinnye
- Nyampinga wa Hungary: Yerekanye ubuhanga mu myitozo ngororamubiri
- Nyampinga wa Latvia: yerekanye ubuhanga muri danse Contemporaine
- Nyampinga wa Malta: Yarabyinnye
- Nyampinga wa Mongolia: Yiyerekanye mu bugeni no gukora ibitunguranye mu gihe gito
- Nyampinga wa Philippines: Yararirimbye
- Nyampinga wa Poland: Ni umuririmbyi
- Nyampinga wa Puerto Rico: Ni umuririmbyi
- Nyampinga wa Russia: Yarabyinnye
- Nyampinga wa Scotland : imikino ngororamubiri
- Nyampinga wa Serbia: Ni umuririmbyi
- Nyampinga wa Slovenia: Yerekanye imbyino yitwa Tango
- Nyampinga wa South Africa: Yararirimbye
- Nyampinga wa Ukraine: Yacuranze Piano aranabyina
- Nyampinga wa Canada: yerekanye ubuhanga kuri Piano
- Nyampinga wa India: yabyinnye gakondo y’iwabo
- Nyampinga wa Ecuador : yagaragaje ubuhanga mu kuririmba

Irushanwa rya Nyampinga w’Isi rizasozwa 20 Ukuboza 2016, rigiye kuba ku nshuro ya 65 kuko ryabaye bwa mbere mu 1951. Nyampinga wa mbere w’Isi yatowe mu 1951, yitwa Kiki Håkansson akomoka muri Sweden.

Miss Mutesi Jolly na bagenzi be barimo uwo mu Butaliyani n'uwa Austria
Nyampinga wa Nicaragua
Nyampinga wa Afurika y'Epfo ni we mukobwa ukomoka muri Afurika wabonetse muri 21
Nyampinag wa Chile yerekanye ubuhanga mu gucuranga violin
Ku munsi w'ejo bagiranye ikiganiro n'ibitangazamakuru bitandukanye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved