Mutesi Jolly yatanze ikiganiro mu ishuri rya Hague mu Buholandi

Yanditswe na Munyengabe Murungi Sabin
Kuya 11 Ukwakira 2016 saa 05:18
Yasuwe :
0 0

Nyampinga w’u Rwanda Mutesi Jolly yasoje urugendo yari amaze iminsi akorera ku Mugabane w’u Burayi, yahavuye amaze gusura ibihugu bitandukanye birimo u Buholandi ari naho yasoreje.

Mu byumweru bigera kuri bitatu amaze i Burayi, Miss Mutesi Jolly yasuye ibihugu birimo u Budage mu mijyi itandukanye, u Bufaransa, u Bubiligi ndetse no mu Buholandi.

Mu Buholandi aho yasoeje urugendo rwe, Miss Mutesi Jolly yasuye ishuri ryisumbuye rikomeye mu Mujyi wa Hague rya International School of The Hague. Yaganiriye n’abanyeshuri barenga mirongo itanu bari mu mwaka wa nyuma, yababwiye ibyiza ndetse n’inyungu yihariye ‘Umuganda’ ugira mu iterambere ry’igihugu.

Yababwiye ko ingufu zabo n’ubumenyi bahawe mu ishuri bakwiye kubibyza umusaruro bakora ibifite inyungu ku muryango ndetse bagakorera hamwe ari na yo nkingi rukumbi ibihugu byose byo ku Isi byagakwiriye kugenderaho mu kubaka ubumwe bw’abaturage.

Mutesi Jolly yabwiye aba banyeshuri ko “gukorera hamwe ari umusingi w’iterambere ndetse bifasha mu guhuza abantu baturuka mu byiciro bitandukanye.”

Yabahaye urugero rw’u Rwanda nk’igihugu gisanzwe kirangwamo ibikorwa byo gukora umuganda ndetse yanababwiye ko bitanga umusaruro ukomeye mu iterambere no mu kurushaho kunga abaturage.

Uyu Nyampinga yagarutse i Kigali aho agiye kwitegura urugendo rwo kuzajya muri Amerika kwitabira irushanwa rya Nyampinga w’Isi n’ibindi bikorwa bitandukanye.

Mutesi Jolly yaganirije aba banyeshuri ibyiza byo gukora umuganda
Miss Mutesi Jolly nyuma yo kuganiriza abanyeshuri yabonanye n'abayobozi babo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza