Kwamamaza

Mutesi Jolly yerekanye agaseke muri Miss World i Washington (Amafoto)

Yanditswe kuya 28-11-2016 saa 08:43' na Munyengabe Murungi Sabin


Mutesi Jolly yatangiye irushanwa ryo guhatanira ikamba rya Nyampinga w’Isi, yagaragaje agaseke nka kimwe mu birango by’umuco nyarwanda mu myiyereko ya mbere yabaye mu ijoro ryo kuri uyu wa 27 Ugushyingo 2016.

Ni ku nshuro ya mbere u Rwanda rwitabiriye iri rushanwa mpuzamahanga ry’ubwiza ryahurije hamwe abakobwa 120 bo ku migabane itandukanye.

Miss Mutesi Jolly yageze mu Mujyi wa Washington ahari kubera irushanwa kuwa Gatandatu tariki ya 26 Ugushyingo 2016. Ku munsi wa mbere w’irushanwa habaye igikorwa cyo kumenyana kw’abakobwa bitabiriye irushanwa nyuma mu ijoro ryo kuwa 27 Ugushyingo biyerekana mu cyiciro cyo kugaragaza impano ya buri wese ‘talent audition’.

Mutesi Jolly waserukiye u Rwanda yerekanye agaseke, yari yambaye agakanzu gato k’umukara kadoze mu buryo bujya kumera nk’ishabure zambarwaga mu myaka yo hambere mu Rwanda.

Mu kwerekana impano za buri wese, abakobwa biyerekanye mu byiciro bibiri, icyo Mutesi Jolly yari arimo cyiganjemo abakobwa bo muri Aziya na Amerika y’Epfo. Mu byo berekanye byiganjemo imyambaro, kubyina, gucuranga n’ubundi bukorikori buri wese yihitiyemo.

Mbere yo kuva i Kigali yavuze ko afite icyizere cyo kuzagarukana intsinzi gusa ngo yiteguye kuzabyakira naramuka adatsinze.

Yagize ati “Kuri njyewe ni ishema, abantu benshi bagiye bavuga ko ari amahirwe u Rwanda rugize ariko ni ikimenyetso kigaragaza ko bishoboka kandi ni inshingano zanjye gutsinda. Ntabwo ngiye nihagarariye, ngiye guhagararira igihugu cyanjye, nzakora ibishoboka byose ishema ryanjye ndihagarareho.”

Mutesi Jolly yatangiye irushanwa rya Miss World

“Abanyarwanda ndabizeza intsinzi, ni irushanwa nzakora ibishoboka mbaheshe ishema, nzagerageza mu mbaraga n’ubumenyi bwanjye nkore icyiza kurushaho…”

Irushanwa rya Nyampinga w’Isi rizasozwa 20 Ukuboza 2016, rigiye kuba ku nshuro ya 65 kuko ryabaye bwa mbere mu 1951. Nyampinga wa mbere w’Isi yatowe mu 1951, yitwa Kiki Håkansson akomoka muri Sweden.

Mutesi Jolly na bagenzi be ubwo bari basesekaye i Washington
Mutesi Jolly i Washington ahari kubera Miss World
Nyampinga wa Kazakhstan
Cook Islands
Nyampinga wa Bolivia, Guatemala na Lebanon.
Nyampinga wa Serbia
Nyampinga wa Guatemala
Miss Nicaragua
Nyampinga wa Lebanon

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved