Ndahiro Liliane, umukobwa uri gutorwa bidasanzwe muri Miss Rwanda

Yanditswe na Munyengabe Murungi Sabin
Kuya 9 Gashyantare 2018 saa 10:38
Yasuwe :
2 0

Abakobwa 20 bahataniye ikamba rya Miss Rwanda 2018 bakomeje guhatana biciye mu itora ribera kuri telefone, uwitwa uwase Ndahiro Liliane akomeje kwanikira bagenzi be mu buryo bukomeye cyane.

Uwase Ndahiro Liliane yasize mu buryo bukomeye Irebe Natacha Ursule bari bamaze iminsi bahanganiye umwanya wa mbere. Ubu Ndahiro afite amajwi arenga ibihumbi 14 mu gihe umukurikiye witwa Umunyana Shanitah afite amajwi 3,995.

Irebe Natacha Ursule wari umaze iminsi asimburana na Ndahiro Liliane ku mwanya wa mbere, yaraye ku mwanya wa Gatatu n’amajwi 3,800; akurikiwe na Mushambokazi Jordan ufite amajwi 2,356.

Aba bakobwa uko bane nibo bahora mu myanya ya mbere mu matora yo kuri telefone; Liliane na Natacha bo bagahora basimburana ku mwanya wa mbere. Uwitwa Dushimimana Lydia ari ku mwanya wa nyuma n’amajwi ijana n’imisago.

Uwase Ndahiro Liliane, afite imyaka 20, areshya na metero 1.74, agapima ibiro 69, yabonye itike yo guhatanira Miss Rwanda 2018 aciye mu Ntara y’Amajyepfo.

Ni we wahize abandi mu gutorwa cyane kuri telefone ku rwego rw’igihugu ubwo bari bakiri hamwe 35 batowe mu ntara zose. Yasoje icyiciro cy’amajonjora y’ibanze ari uwa mbere n’amajwi arenga ibihumbi 57.

Umukobwa uzasoza irushanwa afite amajwi menshi kurusha abandi, aba afite amahirwe yo guhita yinjira muri batanu ba mbere batorwamo Miss Rwanda ndetse akagenerwa ibihembo bitandukanye nk’uwagaragaje gushyigikirwa bikomeye n’abafana.

Abakobwa bose uko ari 20, barahaguruka i Kigali ku gicamunsi cyo kuri uyu wa Gatanu tariki ya 9 Gashyantare 2018 bajye gukorera umwiherero mu Mujyi wa Nyamata aho bazamara ibyumweru bibiri hanyuma kuwa 24 Gashyantare 2018 bagatorwamo Nyampinga.

Ndahiro Liliane afite nomero ya 13 muri Miss Rwanda
Uwase Ndahiro Liliane ni we uyoboye abandi mu gutorwa cyane biciye ku butumwa bwa telefone
Umunyana Shanitah ari ku mwanya wa Kabiri mu matora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza