Nyampinga wa Rusizi agiye kurushinga n’umucuruzi umurusha imyaka 24

Yanditswe na Sitio Ndoli
Kuya 8 Gashyantare 2018 saa 08:40
Yasuwe :
0 1

Umutesi Teta Afsa wabaye Nyampinga w’Akarere ka Rusizi mu 2016 agiye kurushinga n’umucuruzi ukomeye i Kamembe, Mudaheranwa Aman Casmir w’imyaka 45.

Umutesi Afsa Teta yambitswe ikamba ry’umukobwa uhiga abandi mu Karere ka Rusizi ku wa 14 Gashyantare 2016 ariko kuva icyo gihe nta wundi Nyampinga uratorwa.

Miss Teta utashatse kugira icyo avuga ku bukwe bwe na Aman Casmir yashyize ku mbuga nkoranyambuga igihe ubukwe bwe buzabera, byaje no guhamywa n’umukunzi we

Mu kiganiro na IGIHE, Mudaheranwa Aman Casmir ugiye kurongora Umutesi yavuze ko yamukundiye cyane imico kurenza ikimero.

Yagize ati “Ntabwo nakunda umubiri kuruta imico kuko umubiri ushobora kuba uri mwiza, usa neza ariko imico ikaba atari myiza. Mu gihe tumaranye tujyinama kandi namugira inama akayumva kimwe n’uko nawe ambwira ibyo atishimiye nanjye nkabyumva. Ikindi umubiri wo … ni umukobwa usa neza, ufite igikundiro akaba ariyo mpamvu nanjye naba naramuhisemo ariko cyane cyane sinagendeye ku isura.”

Bazasezerana imbere y’amategeko ku wa 23 Werurwe 2018 mu murenge wa Kamembe, buke basezerana imbere y’Imana mu idini ya Islam.

Umunsi bazagira mu Murenge ni na wo Umutesi azakobwa.

Aman Casmir watandukanye n’umugore mu myaka irindwi ishize, avuga ko adatewe ipfunwe no kurongora umukobwa arusha imyaka myinshi nk’uko bamwe babivuga ko atari akwiya kubikora.

Yagize ati “Ubukwe bwose abantu bavuga amagambo .. ariko abazarushinga ntitugendera ku magambo twe tugendera ku bikorwa. Kuba akuze arakuze ntabwo ari uruhijna kandi ubundi gukura ni mu mutwe; ushobora kuba uri mukecuru ariko kuba mu mutwe udakuze ugakora nk’iby’abana. Gukora rero ntabwo ari ubunini cyangwa se imyaka myinshi ahubwo gukura ni mu mutwe, kuba uzi ubwenge, kuba ufite ibitekerezo bizima. Arabyujuje kuko tumaranye imyaka ibiri tuziranye.”

Abakurikirana iby’iimyidagaduro muri aka karere baba bibaza icyabuze ku buryo Afsa Teta agiye gushyingiranwa ikamba rya Miss wa Rusizi.

Ku byerekeye imyaka, aba bagiye gusezerana nta tegeko bishe, iry’umuryango riteganya ko umuntu agomba gushaka byibuze yujuje imyaka 21 ariko nta cyo rivuga ku yo uwo bashyingiranwa agomba kuba atarengeje.

Mudaheranwa Aman Casmir ugiye kurushinga na Miss Umutesi Teta Afsa
Umutesi Teta Afsa agiye kurushinga n’umucuruzi ukomeye i Kamembe

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza