Nyuma y’imyaka ine, hagiye kongera gutorwa nyampinga wa Kaminuza y’u Rwanda i Huye

Yanditswe na Dusabimana Aimable
Kuya 17 Gashyantare 2017 saa 08:21
Yasuwe :
1 1

Nyuma y’imyaka ine hadatorwa nyampinga muri Kaminuza y’u Rwanda, Ishami rya Huye, icyo gikorwa kigiye gusubukurwa hashyirwa imbere guha umwanya indangagaciro z’umuco nyarwanda.

Iki gikorwa giteganyijwe kuba mu ijoro ryo kuri uyu wa Gatandatu, tariki 18 Gashyantare 2017, uzatorwa azasimbura Miss Isimbi Deborah Abiellah watowe mu 2012.

Isimbi yari amaze imyaka ine igifite ikamba nubwo yashinze urugo, akaba yaranamaze kwibaruka imfura.

Umuyobozi w’itsinda Root of Culture ryateguye iki gikorwa, Bizimungu Hodal, yabwiye IGIHE ko kugeza ubu abakobwa bahatanira ikamba barangije umwihererero bari bamazemo icyumweru, bigishwa amasomo atandukanye ku ndangagaciro zikwiye kuranga umwari w’u Rwanda n’andi atandukanye.

Yagize ati "Ubu umwiherero warangiye [...] hashize icyumweru bawutangiye igisigaye ni ukwitegura kwitabira igikorwa nyirizina."

Yakomeje ati "Turifuza ko twabona umukobwa ufite ubumenyi n’ubuhanga wo guhagararira Kaminuza y’u Rwanda, Ishami rya Huye, akariserukira, akagira bimwe ahindura bitandukanye n’ababanje."

Kuwa 27 Mutarama 2017 nibwo akanama nkemurampaka muri iri rushanwa katoranyije abakobwa icyenda bagomba gukomeza mu cyiciro cya nyuma, ariko ubu hasigayemo umunani kuko hari uwanditse asezera ’ku bw’ibibazo yari afite mu muryango we byatumye atitegura neza’.

Abasigaye mu irushanwa ni Umwiza Gisele, Uwase Latifah, Ingabire Phionnah, Umutoni Annet, Iraguha Delphine, Munezero Jeannette, Piotie Julie Maeva, na Mutoni Peace.

Ibikorwa byo gutora nyampinga muri Kaminuza y’u Rwanda byatangiye gusa n’ibishyirwamo imbaraga muri 2006, icyo gihe hatowe uwitwa Akanyana Sharon, muri 2007 hatowe Utamuriza Rusaro Carine, 2008 hatorwa Uwimbabazi Sandrine, muri 2009 hatowe Umulisa Viviane, muri 2010 hatorwa uwitwa Mutesi Dorothy.

Iki gikorwa cyakomeje mu mwaka wa 2012 hatorwa Isimbi Deborah Abiellah wamaranye ikamba imyaka irenga ine kuri ubu akaba agiye gusimbuzwa.

Gutanga amajwi ku bakobwa bahataniye ikamba rya Nyampinga w’u Rwanda, Ishami rya Huye, bikorerwa ku rubuga rwa internet www.misshuyecampus.rw/voting

Amafoto y’abakobwa bahatanira kuba Miss UR-Huye Campus 2017

Latiffah Uwase
Piotie Julie Maev
Phionnah Ingabire
Peace Mutoni
Aneth Umutoni
Latiffah Uwase
Aneth Umutoni
Delphine Iraguha
Gisele Umwiza
JPEG - 72.2 kb
Jeannette Munezero

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza