Kwamamaza

Oda Paccy na Asinah bagiye guhurira mu gitaramo cyiswe ‘Igikuba’

Yanditswe kuya 10-11-2016 saa 15:00' na Tombola Felicie


Uzamberumwana Pacifique[Oda Paccy] na mugenzi we Asinah bazataramira abafana babo mu Mujyi wa Kigali, mu gitaramo cyiswe ‘Igikuba concert ’ kizaba ku Cyumweru tariki ya 13 Ugushyingo 2016 mu kabyiniro ka H-Zone i Gikondo.

Oda Paccy ni umuhanzi uzwi cyane mu ndirimbo ‘Mbwira’, ‘Ayiwe’, ‘Ntabwo mbyicuza’ n’izindi. Mugenzi we Asinah akora injyana ya Dancehall na we afite indirimbo zicurangwa cyane kuri Radio muri iyi minsi.

Indirimbo ‘Igikuba ‘ yitiriwe igitaramo cy’aba bahanzi, ni iya Oda Paccy imaze igihe gito isohotse ndetse iri mu zavugishije benshi kubera amafoto uyu muhanzi yashyize hanze ayamamaza bamwe bakayabonamo ‘guta umuco’.

Iki gitaramo Paccy azahuriramo na Asinah cyateguwe na MIG itsinda rihuza abafana n’abahanzi mu bitaramo biba mu mpera za buri cyumweru mu kabyiniro kitwa H-Zone gakunzwe cyane muri iki gihe.

Mu kiganiro na IGIHE, Umuyobozi wa MIG Hitimana David, yatangaje ko kwinjira muri iki gitaramo ari ubuntu mu buryo bwo korohereza abakunda uyu muraperikazi gutaramana nawe bakiyumvira ijwi rye ryiza ndetse bakanasabana.

Yagize ati “ Indirimbo Igikuba ya Oda Paccy abenshi ntibarayumva ndetse hari n’atazi impamvu yayihimbye. Turashaka rero abamukunda bazaza bagataramana we, bagasabana dore ko ari umuraperikazi mwiza mu bakobwa bakora umuziki.”

Oda Paccy aherutse gusohora indirimbo yise 'Igikuba'

Paccy na Asinah bagiye gukorera igitaramo muri aka kabyiniroka H-Zone nyuma y’uko Social Mula n’abandi bahanzi batandukanye baharirimbiye babona umubare munini w’abafana.

Iki gitaramo kizaba ku Cyumweru tariki ya 13 Ugushyingo kizatangira saa mbili z’umugoroba muri H-Zone hafi ya Dos d’âne kwa Mironko.

Asinah na we azitabira iki gitaramo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved