P Fla yagize icyo avuga ku gushinjwa kwiba inkweto

Yanditswe na Dean Irak
Kuya 2 Nyakanga 2013 saa 08:45
Yasuwe :
0 0

Umuraperi P Fla arahakana akomeje ko atigeze yiba inkweto z’umuraperi Pacson nk’uko uyu wanyuma aherutse kubikwirakwiza mu itangazamakuru.
P Fla avuga ko atiyumvisha impamvu umuraperi mugenzi we ngo yamuharabitse.
Mu ijwi ritumvikana neza, ariko ririmo uburakari n’ikiniga, P Fla yatangarije Radio Voice of Africa ko Pacson yaje amusanga kuri Unlimited Records nuko akamubwira nabi, harimo no kumutonganya amubwira ko yamwibye inkweto. P Fla avuga ko yari ari muri gahunda zo gufata amashusho (...)

Umuraperi P Fla arahakana akomeje ko atigeze yiba inkweto z’umuraperi Pacson nk’uko uyu wanyuma aherutse kubikwirakwiza mu itangazamakuru.

P Fla avuga ko atiyumvisha impamvu umuraperi mugenzi we ngo yamuharabitse.

Mu ijwi ritumvikana neza, ariko ririmo uburakari n’ikiniga, P Fla yatangarije Radio Voice of Africa ko Pacson yaje amusanga kuri Unlimited Records nuko akamubwira nabi, harimo no kumutonganya amubwira ko yamwibye inkweto. P Fla avuga ko yari ari muri gahunda zo gufata amashusho y’indirimbo ze nshya, bityo ntiyita ku byo Pcson yamubwiraga.

P Fla ati “Naramwihoreye kuko numvaga ari ibintu bidashoboka. Njyewe namwiba inkweto gute nkajya kuzigurisha? Iyo nza kuba ndi uwiba nari kwiba za mudasobwa zirenga enye zabaga iwabo cyangwa ibindi bintu by’agaciro nkareka kwiba izo nkweto za bitanu.”

P Fla akomeza avuga arusha Pacson inkweto zo kwambara, akavuga ko iyo ashaka kugurisha inkweto ngo abone amafaranga yari kugurisha ize bwite aho gutwara iz’undi.

Pacson yaherukaga gutangaza ko P Fla asanzwe ari umujura kandi ko yakunze kumwiba ibikoresho bitandukanye akamwihorera, ariko ko ubu yari amaze kubirambirwa. Icyo gihe Pacson yavuze ko P Fla yamugurishirije inkweto ngo ajye kugura ibiyobyabwenge byitwa "Mugo".

Pacson yavuze ko yahise yirukana P Fla mu nzu yari amucumbikiyemo iwabo, aho babanaga nk’uko IGIHE twabibatangarije.

IGIHE twamenye ko hari imwe mu nzu zitunganya umuziki yakoranaga na P Fla yahise itangaza ko yahagaritse gukorana nawe bitewe n’iyi myitwarire bamwumviseho mu itangazamakuru.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza