Reba video ya ‘Kungola’ ya Sunny na Bruce Melodie igaragaramo ibitamenyerewe

Yanditswe na Uwiduhaye Theos
Kuya 1 Gicurasi 2019 saa 09:16
Yasuwe :
0 0

Sunny yashyize hanze amashusho y’indirimbo ye na Bruce Melodie bise ‘Kungola’ yuzuyemo abakobwa bambaye amakariso bakaraga ikibuno bagitunze mu kirere mu buryo budasanzwe.

Aya mashusho yagiye hanze ku gicamunsi cyo kuri uyu wa Kabiri tariki 30 Mata 2019.

Umunyarwanda yarateruye ati “Uwahiriwe n’Imana, ibivuzo biramera”. Ni umugani w’umugenurano ushushanya uko uwo ishaba yasekeye, ikintu cyose arambitseho ukuboko gishobora kuvamo umugati kandi we atabikekaga.

Uwaba areba kure anakurikirana imyidagaduro mu Rwanda yahita abona ko ari nako byagenze kuri Sunny [Ingabire Sunlight Dorcasie], umuhanzikazi uba muri Thailand ariko utari uzwi mu Rwanda.

Kuva mu mpera za 2018 no mu ntangiro za 2019, yatangiye kuba ikimenyabose biturutse ku magambo yavuze yemeza ko yibagiwe Ikinyarwanda nyuma y’imyaka ibiri yari amaze atagera mu rwamubyaye bikaza gukurura impaka.

Kuva ubwo yaratangariwe atangira gutumirwa mu itangazamakuru ritandukanye ndetse yiharira kuvugwa ku mbuga nkoranyambaga.

Si ibyo gusa, yongeye kuvugisha benshi biturutse ku ntugunda ziherutse kuvuka hagati ye na Bruce Melodie bapfa indirimbo bise ‘Kungola’ yamwishyuyeho miliyoni 15 Frw kugira ngo bakorane amashusho yayo akamara amezi atanu atarajya hanze ndetse akaza gutuma yahukana.

Amajwi y’iyi ndirimbo yabanje kujya hanze mu gitondo cyo kuri uyu wa Kabiri, atangaza benshi kubera uburyo Sunny witwa ko ariwe nyirayo aririmbamo amasegonda 35.

Ikindi cyatumye iyi ndirimbo yibazwaho ni amagambo aganisha ku gutera akabariro arimo avugwamo guhera ku isegonda rya mbere kugeza ku rya nyuma.

Ubu amashusho yayo yagiye hanze! Ariko kuyareba ni ukwizirika kubera abakobwa barimo bazunguza ikibuno mu buryo budasanzwe bambaye imyambaro yerekana ibice bimwe by’ibanga.

Aba bakobwa bagarukamo kenshi, babyina bakoresha imbaraga nyinshi batunze ikibuno hejuru mu kirere bambaye bikini.

Amajwi y’iyi ndirimbo yakozwe na MadeBeats naho amashusho akorwa na Nameless Campos wari uyamaranye amezi ane.

Reba amashusho ya ‘Kungola’ ya Sunny na Bruce Melodie


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza