Ribara uwariraye! Umuburo wa Judith Heard ku bakobwa birukira abagabo b’abazungu bashaka ifaranga

Yanditswe na Muvunyi Arsène
Kuya 16 Gicurasi 2019 saa 03:37
Yasuwe :
0 0

Umunyamideli w’umunyarwandakazi ufite ubwenegihugu bwa Uganda, Judith Heard, yaburiye abakobwa b’abanyafurika birukira gushaka abagabo b’abazungu babakurikiranyeho imitungo.

Ibi yabivugiye mu kiganiro cya mu gitondo cyitwa Read Seat gica kuri Radiyo yitwa Galaxy FM. Iki kiganiro cyavugaga ku rukundo hagati y’abantu b’ubwoko butandukanye.

Judith Heard yari yatumiwe nk’umwe mu bagore bashakanye n’umugabo w’umuzungu nubwo baje kunaniranwa bagatandukana.

Yabajijwe icyo avuga ku bakobwa birukira gushaka abagabo b’abazungu, maze asubiza ko nta we ukwiye gutoranya ibara ry’uruhu rw’uwo akunda kuko nta hataba abakire n’abakene.

Ati “Icyo nababwira ni uko gukundana n’umuzungu bidasobanuye ko azahindura ubuzima bwawe. Hari igihe ushobora kugira amahirwe ugakundana n’umwirabura ushobora kugukorera ibintu byose warose kuva kera kandi hari abazungu b’abakene. Sinakubwira ngo shaka umwirabura cyangwa umuzungu wowe kurikira icyo umutima ushaka.”

Judith Kantengwa wiyongereyeho Heard nk’izina ry’uwari umugabo we, aherutse gutangaza ko yatutswe n’abantu benshi bamushinja gukurikira amafaranga kuri uyu musaza wamurongoye amurusha imyaka 35 [umugabo yari afite imyaka 54 umugore afite 19].

Yagize ati “Naciriwe imanza, banyita umukunzi w’ifaranga, naribasiwe bikomeye.”

Yavuze ko yakundanye n’uyu musaza ubwo yari amaze gutandukana n’undi wari ufite ifaranga ariko washakaga kumufata nk’umucakara.

Kantengwa na Richard Heard babanye mu buzima bwiza kandi buhenze, ariko uyu musaza akajya umubuza uburenganzira n’ubwisanzure.

Ati “Nabagaho buri munsi ntashobora kwambara ikanzu nk’iyi kuko atayikunda, ntashobora kwandika icyo nshaka ku mbuga nkoranyambaga kuko atari kubikunda.”

Yaje gusanga ubu buzima atabasha kububamo ahitamo gufata icyemezo cyo gutandukana nawe mu 2014. Bari bafitanye abana batatu barimo babiri b’impanga.

Judith Heard yatandukanye n'umusaza w'umuzungu bari barashakanye
Judith Heard yasabye abakobwa kwita ku cyo umutima wabo ushaka kuruta ibara ry'uruhu
Mu Ukuboza umwaka ushize Kantengwa yari mu Rwanda aho yagiriye inama abakobwa yo kujya birinda kwifotoza bambaye ubusa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza