Kwamamaza

Safi arahakana ibibazo bivugwa mu rukundo rwe na Parfine

Yanditswe kuya 4-11-2016 saa 11:18' na Munyengabe Murungi Sabin


Safi Madiba ari mu rukundo rweruye na Parfine Umutesi utuye mu Busuwisi ndetse bafite gahunda yo kurushinga mu minsi iri imbere.

Uyu muririmbyi wo muri Urban Boyz amaze iminsi mu Mujyi wa Dubai muri Leta Zunze Ubumwe z’Abarabu aho yari yaragiye guhurira n’umukunzi we Parfine Umutesi bamaze imyaka ibiri bakundana byeruye.

Safi agitangaza ko agiye i Dubai inkuru zaracicikanye zivuga ko yagiye guhurirayo n’umukunzi we kugira ngo bacoce ibibazo bivugwa mu rukundo rwabo nyamara we akavuga ko ‘nta kibazo na gito bafitanye’

Mu kiganiro na IGIHE, Safi yahakanye yivuye inyuma ibibazo byose n’ubwumvikane buke buvugwa hagati ye na Pafrine ndetse yemeza ko ibyatangajwe ari impuha zidafite aho zishingiye.

Yagize ati “Nta kibazo mfitanye na we, ntacyo ni biriya baba bahimba, ubundi se twashwana bakabimenya? […] Nta n’ikibazo na kimwe nagiranye na we muri uyu mwaka.”

Safi yageze i Dubai ku Cyumweru tariki ya 30 Ukwakira agaruka kuwa Kane tariki ya 3 Ugushyingo 2016. Yavuze ko yagiriye ibihe byiza muri uyu mujyi ndetse ngo uru rugendo rwongereye imbaraga urukundo rwabo.

Niyibikora Safi yagiye kubonanira n’umukunzi we i Dubai nyuma y’uko muri Mata 2016 Umutesi Parfine na we yari yaje gusura uyu musore mu Rwanda. Icyo gihe aba bombi babwiye IGIHE ko mu mishinga bafitanye ikomeye harimo uw’ubukwe batangiye gutegura.

Icyo gihe Safi yagize ati “Turateganya byinshi, ubukwe buza imbere ariko ntabwo tugiye guhita tubikora. Burya icya mbere ni urukundo kandi rwo rurahari.”

Safi Madiba aherutse kujya i Dubai guhurirayo n'umukunzi we

Urukundo rwa Safi na Parfine rwatangiye kuvugwa muri Gashyantare 2015, bombi babanje kubyamaganira kure bakavuga ko ‘ari inshuti zisanzwe’. Ahari umuriro haboneka umwotsi nk’uko Safi yabiririmbye, mu mezi ya mbere ya 2016 babitangaje byeruye.

Umutesi Parfine yakundanye na Safi akiri umugore w’Umusuwisi Blaise Pistoletti. Uyu mukunzi mushya wa Safi afitanye abana babiri b’abakobwa na Blaise Pistoletti.

Safi n'umukunzi we Parfine mu Mujyi wa Dubai
Ubwo Parfine aheruka kuza i Kigali gusura Safi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved