Sonia Rolland yahishuye ifoto imwibutsa urugendo nyirakuru yagiriye mu Rwanda mu 1983

Yanditswe na IGIHE
Kuya 21 Mata 2017 saa 12:59
Yasuwe :
0 0

Nyampinga w’u Bufaransa 2000, Uwitonze Sonia Rolland yahishuye ifoto imwibutsa ibihe by’amateka mu buto bwe ubwo nyirakuru w’Umufaransa yasuraga umuryango wabo bwa mbere mu 1983.

Sonia Rolland Uwitonze yavutse tariki ya 11 Gashyantare 1981 i Kigali mu Rwanda. Yabaye Nyampinga w’u Bufaransa mu 2000 akaba ari umu- métisse wa mbere w’Umunyafurika wageze kuri uwo mwanya wo kuba Nyampinga.

Yashyize kuri Instagram ifoto yo hambere mu myaka 34 ishize umunsi nyirakuru [ubyara se] witwa Cécile Rolland yari yaje gusura umuryango wabo ku nshuro ya mbere. Sonia yanditse agaragaza ko ari ibihe bikomeye mu buzima ndetse ngo iyi foto yamwibukije ibihe byiza ababyeyi be bagiriye mu Rwanda mu myaka bahamaze.

Yagize ati “…Mama umbyara (ibumoso kandi yari akiri muto), mama wacu Charlotte, nyogokuru Cécile(mu rugendo rwa mbere yagiriye mu Rwanda) hamwe na Data.”

Uhereye ibumoso ni nyina wa Sonia Rolland, nyina wabo, nyirakuru w'Umufaransakazi na se Jacques Rolland mu 1983

Kuri iyi foto bigaragara ko ababyeyi ba Sonia Rolland bari bakiri bato ndetse bari bamaze imyaka mike barushinze. Iyi foto yabanje gushyirwa hanze n’umuvandimwe wa Sonia Rolland witwa Angie Jacobs.

Sonia avuka kuri se Jacques Rolland w’Umufaransa[yitabye Imana kuwa 22 Mutarama 2014] na nyina Landrada w’Umunyarwandakazi. Uretse kuba yarabaye Nyampinga w’u Bufaransa, Sonia ni umumuhanga mu bya sinema akaba n’umukinnyi wa filime ariko wibanda ku zisekeje.

Sonia Rolland yari amaze iminsi mu Rwanda, yasize abwiye IGIHE ko afite umushinga wa filime nshya ivuga ku iterambere ry’umugore mu Rwanda yerekana umwihariko w’iki gihugu mu ruhando rw’amahanga.

Yagize ati “Ikindi ni uko ndi gutegura indi filime mbarankuru izaba ivuga ku bagore bo mu Rwanda no gukomeza kubashyira imbere, nzagaruka kuyikora muri Nyakanga uyu mwaka.”

Yavuze ko iyi filime ateganya kuzayishyira hanze muri Nyakanga 2017 ndetse ngo yatangiye kuyikora, icyo asigaje ni ugutoranya abagore icumi b’indashyikirwa mu Rwanda ashaka ko bazayigaragaramo.

Akimara gutorwa yari afite uburanga ndetse kugeza ubu ntacyahindutse
Ababyeyi ba Sonia Rolland
Sonia Rolland na nyirakuru witabye Imana mu myaka yashize

Sonia Rolland yari aherutse kuza mu Rwanda kuhakorera filime

Sonia Rolland hano yari mu karere ka Rubavu aho yakoreye filime ku bukerarugendo
Sonia Rolland aganira n'umunyamakuru wa IGIHE mu Mujyi wa Rubavu
Yavuze ko agiye gukora filime isobanura iterambere ry'umugore mu Rwanda
Sonia Rolland mu ifatwa ry'amashusho ya filime nshya ivuga ku bukerarugendo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244