TECNO yatangaje abanyempano 30 batsinze icyiciro cya mbere cy’irushanwa ’Spark your Talent’

Yanditswe na Muvunyi Arsène
Kuya 22 Gicurasi 2019 saa 09:55
Yasuwe :
0 0

Sosiyete ikora ikanacuruza telefone ya TECNO ifatanyije na The Mane Music Label bashyize ahagaragara urutonde rw’abanyempano 30 batsinze icyiciro cya mbere cy’irushanwa bateguye.

Muri uku kwezi kwa Gicurasi sosiyete icuruza telefone zigezweho ya TECNO yatangije irushanwa ryo gufasha abanyempano ‘Spark your Talent’ ku bufatanye n’inzu ifasha abahanzi ya The Mane ibarizwamo Queen Cha, Safi Madiba, Marina na Jay Polly.

‘Spark your Talent’ rigamije guteza imbere abanyempano bo mu byiciro birimo ubuhanzi, ubugeni, siporo n’ibindi.

Ryateguwe kandi mu rwego rwo kumenyekanisha telefoni nshya TECNO iheruka gushyira ku isoko ya TECNO Spark 3 na Spark 3 Pro zikoranye ikoranabuhanga rihambaye mu gufata amashusho.

Kwinjira mu irushanwa byasabaga ushaka guhatana gufata amashusho y’amasegonda 30, akayashyira ku mbuga nkoranyambaga za TECNO na The Mane yifashishije Hashtag #SparkYourTalent, #TECNO Spark #TheMane.

Amashusho yagaragaje gukundwa cyane “Likes”, gushyirwaho ibitekerezo byinshi “Comments” n’ayasangijwe abantu benshi “Shares’’, ba nyirayo babonye amahirwe yo kwinjira muri 30 ba mbere bakomeza mu kindi cyiciro.

Ushinzwe itangazamakuru no kwamamaza ku mbuga nkoranyambaga muri TECNO, Niyonkuru Yves, yabwiye IGIHE ko abitabiriye irushanwa bari 161, bahawe amanota n’akanama nkempurampaka kagizwe n’umuhanzikazi Queen Cha, umunyamakuru David Bayingana, umujyanama wa The Mane, Rwemam Denis n’abakozi ba TECNO.

Aba banyempano 30 bazongera bafatwe amashusho na TECNO ba nyirayo bongere bayashyire ku mbuga nkoranyambaga bahatane, hatorwemo 10 bazagera ku cyiciro cya nyuma.

Aba 10 bazazengurukana na TECNO muri za kaminuza zitandukanye barushanwa ari naho hazatorerwa uzaba yarahize abandi uzahembwa amafaranga y’u Rwanda miliyoni imwe tariki 29 Kamena 2019.

Niyonkuru avuga ko nubwo TECNO ari abacuruzi ba telefone barajwe ishinga no guteza imbere abanyarwanda binyuze mu mpano zabo.

Ati “Turashaka kuzamura impano, ni mu rwego rwo gufasha urubyiruko kwiteza imbere. Urumva niba ufashe miliyoni ukayihereza umuntu ni igishoro cyiza.”

TECNO Spark 3 na Spark 3 Pro zamuritswe ku isoko ry’u Rwanda ku wa 18 Mata 2019. TECNO Spark 3 Pro ifite camera y’imbere ya megapixels umunani, iriho na flash; ububiko bw’imbere bwa gigabytes 32; RAM ya GB2 na camera y’inyuma ifite megapixels 13.

TECNO Spark 3 yo camera y’imbere ifite ubushobozi bwa megapixels umunani n’iy’inyuma ya megapixels 13, ububiko bwa GB 16 na RAM ya GB2. Zombi zitindana umuriro, zikoresha android ya 9.0 izibashisha kwihuta kandi zigakorana n’ikoranabuhanga rya GPS, internet yihuta n’ibindi.

Telefoni za TECNO Spark 3 zifite camera ebyiri z’inyuma zirimo ifite megapixels 13 n’iy’ebyiri ziyifasha gufata amafoto atandukanye no mu bihe by’ijoro.

TECNO Spark 3 Pro igura 105 000 Frw mu gihe Spark 3 igura 98 000 Frw mu maduka yose mu gihugu, aho uyiguze ugahabwa amezi 13 yagira ikibazo bakagufasha.

Amazina y'abanyempano 30 bemerewe gukomeza mu cyiciro gikurikiyeho
Umuhanzikazi Queen Cha ni umufatanyabikorwa wa TECNO

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza