The Ben yasohoye amashusho y’indirimbo ye "Naremeye"

Yanditswe na Muvunyi Arsène
Kuya 8 Kamena 2019 saa 01:51
Yasuwe :
0 0

Umuhanzi w’umunyarwanda uba muri Leta Zunze Ubumwe z’Amerika, Mugisha Benjamin [The Ben] yashyize hanze amashusho y’indirimbo ye “Naremeye” yari imaze amezi ane.

Tariki 09 Gashyantare 2019 nibwo The Ben yari yasohoye indirimbo ye yise “Naremeye” aho yari yifashishije abarimo ibyamamare n’abafana mu mashusho agaragaza amagambo yayo [video lyrics].

Muri abo harimo Nirere Shanel, Yvan Buravan, Kate Bashabe, Umulisa Ange, Magaly Pearly n’abandi batandukanye. Iyi ndirimbo yarakunzwe cyane ku buryo imaze kurebwa inshuro zirenga miliyoni imwe kuri YouTube

Kuri uyu wa Gatandatu, The Ben yashyize hanze amashusho nyanyo y’iyi ndirimbo yatunganyijwe na Lick Lick wanakoze amajwi yayo.

Naremeye izaba iri kuri alubumu nshya ya The Ben azashyira hanze muri uyu mwaka wa 2019.

The Ben yifashishije umukobwa mwiza ufite uruhu rw’imvange ukina mu mwanya w’uyo yaririmbye watumye ‘yemera.’

Muri iyi ndirimbo kandi hagaragaramo umukobwa w’umunyarwandakazi, wambaye inshabure ubyina umushayayo bijyanye n’umudiho wa Kinyarwanda wumvikanamo.

The Ben yabwiye IGIHE ko amashusho yayo yafatiwe mu mujyi wa Chicago, gusa yirinze gutangaza imyirondoro y’umukobwa yakoresheje avuga ko ari inshuti ye isanzwe.

Ati “Ni inshuti yanjye (isanzwe) nibwo bwa mbere yari akoze amashusho (Video), ntabwo ashaka ko imyirondoro ye imemyekana.”

“Naremeye” niyo ndirimbo ya mbere The Ben yakoze kuva uyu mwaka wa 2019 watangira. Mpera za 2018 yari yakoze iyitwa “Fine Girl” yatunganyijwe na Krizbeat wo muri Nigeria usanzwe akorera abahanzi bakomeye barimo Tecno.

Abakobwa bari mu mashusho y'indirimbo ya The Ben 'Naremeye'
Agace kamwe kagaragara mu mashusho ya Naremeye ya The Ben

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza