Kwamamaza

Uburyohe bwihariye mu gitaramo cyahuje abahanzi bavuza umwirongi (Amafoto)

Yanditswe kuya 29-10-2016 saa 11:20' na Munyengabe Murungi Sabin


Isaiah Katumwa, umuririmbyi ubifatanya no gucuranga umwirongi wa kizungu[saxophone] yaje i Kigali ahakorera igitaramo gikomeye cya Jazz, cyabereye muri Kigali Serena Hotel mu ijoro ryo kuri uyu wa 28 Ukwakira 2016.

Uyu muhanzi akunzwe cyane iwabo muri Uganda aho akomoka ndetse afatwa nk’uwa mbere mu gucuranga umwirongi muri Afurika y’Uburasirazuba. Yakoze igitaramo cy’uburyohe bwihariye ku bakunda injyana ya Jazz bo mu Rwanda.

Katumwa umaze imyaka 21 akora umuziki yagaragaje umwihariko mu kuvuza umwirongi ari na wo wongereye igipimo cy’uburyohe kubera ubuhanga bukomeye yakoreshaga kuri iki gicurangisho cyifitemo urusobe rw’amajwi aryohera ugutwi.

Uko yarangizaga gucuranga indirimbo , Isaiah Katumwa yacishagamo akaganiriza abafana ibikubiyemo mu ndirimbo agiye gukurikizaho n’impamvu yayihimbye. Yaririmbye nyinshi mu ndirimbo zamenyekanye kuri album icumi amaze gusohora, yamaze igihe kigera ku isaha yose avuza umwirongi ari nako ibyishimo by’abafana birushaho kwiyongera.

Igitaramo cyahuje abahanga mu kuvuza umwirongi

Muri iki gitaramo, Isaiah Katumwa yafatanyije n’abandi bahanzi b’abahanga mu kuvuza umwirongi barimo Herbert Rock wamuritse album ye "Sax In the City”, Steve Keys na Moroots bo muri Uganda n’abandi bahanzi bagize itsinda Neptunez Band.

Abahanzi bacuranze muri iki gitaramo, buri wese afite umwihariko mu kuvuza umwirongi. Steve Keys na Moroots bo muri Uganda bafatanyije kuririmba, uyu musore yacurangaga piano naho umukobwa agahuha mu mwirongi, ibi bicurangisho byombi bikabyara umuziki uryoshye.

Herbert Rock umaze kwigaragaza nk’uwa mbere mu bavuza saxophone i Kigali yamuritse album y’indirimbo zicurangishije umwirongi ziganjemo izakunzwe mu Rwanda. Indirimbo zigize album ya mbere ya Jazz uyu muhanzi agiye kumurika zirimo iyitwa ‘Agatako’ ya Dj Pius, Agasaza, Ndagukunda ya King James, Nyaruguru ya Samputu, Yantumye ya King James, Indoro ya Charly &Nina, Valu Valu ya Dr Jose Chameleone, Sax in the City n’izindi.

Yavuze ko ‘ari intambwe ya mbere ikomeye ku muziki we kuko agitangira kuririmba atatekerezaga ko ashobora kuzabikora nk’umwuga’. Yagize ati “Mu Rwanda ngiye kuhamara hafi imyaka ibiri n’igice, murabona ko nateye imbere, ubu album yanjye iruzuye abayishaka muyigure […] N’abashaka kujya bantumira mu bukwe ndahari nta kibazo.”

Isaiah Katumwa yacuranze benshi bararyoherwa

Aba bahanzi bose bashimishije abafana gusa bigeze kuri Katumwa biba akarusho. Yagaragaje ko ‘ntawe umuhiga muri Afurika y’Uburasirazuba ndetse mu bagiye baza gucurangira mu Rwanda nta wigeze yishimirwa ku rwego rwe.’

Katumwa amaze gusohora album nyinshi za jazz ndetse zakunzwe cyane zirimo Will Worship You, Saxo Hymns, We three kings, Sax Worship, Celebrate Africa, Sinza, Coming Home and Another Step n’izindi.

Yacurangiye mu bihugu byinshi birimo u Budage, u Buholandi, u Bufaransa, u Bwongereza, u Bubiligi, Afurika y’Epfo, Nigeria, Mali n’ahandi hatandukanye. Aho yazengurutse acuranga yaririmbanye n’abahanzi bazwi ku Isi nka Jonathan Btler, Hugh Masekela, Jimmy Dludlu, Seweto Kinchyamong n’abandi.

Moroots wo muri Uganda yagaragaje ubuhanga mu kuvuza umwirongi
Steve Keys wo muri Uganda yaririmbanye na mugenzi we Moroots
Aba bombi baganiraga gihanzi bavuza umwirongi
Moroots yanakoze mu muhogo yumvikanisha ko afite ijwi rifite imbaraga
Sam umukozi muri Bralirwa yari yaje kureba igitaramo
Remy ni we wari uyoboye igitaramo
Nina na Muyoboke bari bicaye mu bafana
Herbert Rock yamuritse album ye muri iki gitaramo
Pacson na Mako Nikoshwa bari baje kureba igitaramo
Herbert Rock yashimishije benshi
Ni igitaramo cyari cyahuje abavuza umwirongi
Charly ubwo yasangaga Herbert ku rubyiniro mu ndirimbo 'Indoro' icuranzemo umwirongi gusa
Agatako ya Dj Pius na Chameleone na yo iri kuri album ya mbere ya Herbert Rock
Isaiah Katumwa amaze imyaka irenga 20 acuranga

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved