Umubyeyi wa MC Tino yaguye mu bitaro muri Uganda

Yanditswe na Munyengabe Murungi Sabin
Kuya 4 Mutarama 2017 saa 02:41
Yasuwe :
0 0

Umuhanzi mu itsinda rya TBB, Kayisirye Martin [MC Tino] ari mu kababaro ko kubura umubyeyi we witabye Imana nyuma y’igihe yari amaze arwariye mu Mujyi wa Kampala.

Se wa MC Tino yitabye Imana kuri uyu wa 4 Mutarama 2017, yazize uburwayi butaramenyekana gusa uyu muhanzi yabwiye abanyamakuru akorana na bo kuri Royal FM ko umubyeyi we yapfiriye mu Bitaro bya Mulago muri Uganda.

Mu butumwa MC Tino yatanze nyuma y’uko umubyeyi we yitabye Imana yanditse avuga ko ‘ari igihombo gikomeye ku muryango wabo wose, yavuze ko se yari arwariye muri Mulago Hospital muri Uganda ndetse niho agomba gushyingurwa’.

MC Tino yerekeje muri Uganda ku gicamunsi cyo kuri uyu wa Gatatu, yavuze ko umuryango wafashe icyemezo cyo gushyingura uyu mubyeyi muri iki gihugu.

MC Tino ari mu gahinda gakomeye ko kubura umubyeyi we

Kayisirye Martin [MC Tino] yakundaga kuvuga ko afata ababyeyi be nk’abantu bakomeye bamuharuriye inzira mu byo yagezeho byose. Uyu muhanzi azwi cyane nk’umwe mu bafite ubuhanga mu kuyobora ibitaramo ndetse izina rye rizwi cyane kuri Radio zikomeye yagiye akorera mu myaka yatambutse.

MC Tino yaherukaga kuyobora igitaramo cya The Ben

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244