Umugore wari utwitiye Kim Kardashian yibarutse umuhungu

Yanditswe na Uwiduhaye Theos
Kuya 10 Gicurasi 2019 saa 08:30
Yasuwe :
0 0

Mu mugoroba wo kuri uyu wa Gatanu tariki 10 Gicurasi 2019, umugore wari utwitiye Kim Kardashian na Kanye West, yibarutse umwana wa kane muri uyu muryango.

Kim Kardashian yanditse kuri Twitter avuga ko yavutse nta kibazo afite ameze neza, ati “Umuhungu wacu arahari, ameze neza.”

Uyu mwana aje asanga North West ufite imyaka itanu, Saint West ufite imyaka itatu na Chicago West ugiye kuzuza umwaka, nawe akaba yaratwiswe n’undi mugore.

Imfura n’ubuheta bwa Kanye West na Kardashian bavutse mu buryo busanzwe, ariko bimugiraho ingaruka zitandukanye, birimo kugira umuvudoko w’amaraso ukabije no kuva amaraso menshi ari nabyo byatumye atongera gutwita.

Mu mugoroba wo kuri uyu wa Kane, nibwo uyu mugore wari utwitiye Kim Kardashian na Kanye West yagiye mu bitaro kwibaruka.

Umuvandimwe wa Kim Kardashian , Kourtney Kardashian, ubwo yari mu kiganiro cya The Ellen Show niwe wahishuye ko mukuru we yagiye gukurikirana ivuka ry’umwana we.

Muri gahunda Kim Kardashian yari kuba ari muri iki kiganiro ariko byaje guhinduka, umvandimwe we avuga ko yagiye gukurikirana ivuka ry’umwana atwitiwe n’undi mugore.

Kim Kardashian na Kanye West babonye umwana wa kane
Umugore wari utwitiye Kanye West n'umugore we Kim Kardashian yibarutse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza