Umukunzi wa Humble Jizzo yahishuye igihe azibarukira

Yanditswe na Munyengabe Murungi Sabin
Kuya 6 Ukuboza 2017 saa 11:43
Yasuwe :
7 0

Amy Blauman yavuze ko ageze kure yitegura urugendo azakorera muri Amerika n’umukunzi we Manzi James [Humble Jizzo umwe mu bagize Urban Boyz], bagiye kwerekeza i Washington ari naho bazabyarira.

Mu mpera za Ukwakira 2017 nibwo Humble Jizzo na Blauman batangaje ko bitegura kwakira imfura yabo y’umukobwa ari nabyo byatumye bafata umwanzuro wo guhagarika ubukwe bagombaga gukora mu Ukuboza 2017.

Aba bombi bageze kure bitegura urugendo bazakorera muri Leta Zunze Ubumwe za Amerika ahitwa Wenatchee muri Leta ya Washington ndetse ni naho Amy Blauman w’imyaka 29 azabyarira.

Amy Blauman yanditse kuri Facebook ko afite amashyushyu yo kugera iwabo akifatanya n’abavandimwe be kwizihiza Noheli mu gihe mu myaka umunani ishize yayizihirije mu bihugu birimo Kenya, Koreya y’Epfo, Kuwait ndetse n’u Rwanda.

Yagize ati “Noheli umunani zishize nari hanze yo mu rugo, byari ibihe byiza nasangiye n’abantu buje urukundo muri Kenya, Koreya y’Epfo, Kuwait n’u Rwanda.”

Blauman wavuze ko amaze igihe kinini yumva indirimbo za Noheli, ntiyavuze igihe bazahagurukira i Kigali gusa Humble Jizzo yari aherutse kubwira IGIHE ko bazagenda mbere gato y’uko Noheli igera.

Yongeyeho ko mu bimuteye amashyushyu cyane uyu mwaka ngo ‘ni uko agiye gusangira Noheli n’abo mu muryango we mu gihe hazaba habura iminsi mike akibaruka umukobwa’. Ati “Gusa uyu mwaka, nzaba ndi mu rugo [ashyiraho agatima] Humble na njye tugiye gufata indege tujye kwizihiza Noheli no kwitegura kwibaruka muri Gashyantare!!”

Humble Jizzo na Amy baherutse kugaragaza ibyishimo bikomeye batewe n’umwana bitegura kwibaruka, babicishije mu ndirimbo yitwa ‘Happy announcement’ bagaragaza ishusho y’uko bamenye ko uyu mukobwa atwite ndetse bakanagaruka ku ngingo yo guhitamo izina bagomba kuzaha umwana wabo.

Aba bombi bamaranye imyaka itatu bakundana. Uyu mukobwa yaje mu Rwanda mu mwaka wa 2014 ubwo yakoraga ubushakashatsi ku byo yize mu cyiciro cya gatatu cya kaminuza, yatangiye akorera cyane mu Mujyi wa Rusizi ari naho yamenyaniye na Humble Jizzo ubwo Urban Boyz yari yagiye kuririmbirayo muri Primus Guma Guma Super Star.

Humble Jizzo yambitse Amy Blauman impeta y’urukundo ubwo barimo bafata amashusho y’indirimbo ‘Do You Know’ bahuriyemo kuwa 14 Gashyantare 2017.

Amy Blauman azibaruka muri Gashyantare 2018
Humble Jizzo na Amy baritegura kwibaruka umukobwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza