Umukunzi wa Humble Jizzo yavuze igihe azibarukira

Yanditswe na Munyengabe Murungi Sabin
Kuya 5 Gashyantare 2018 saa 10:11
Yasuwe :
2 0

Amy Blauman, umukunzi wa Humble Jizzo wo muri Urban Boyz yagaragaje ko afite amashyushyu menshi yo kwakira imfura y’umukobwa yitegura kwibaruka.

Humble Jizzo[ubusanzwe witwa Manzi James] we n’umukunzi we Amy Blauman bagiye kubyarira muri muri Leta Zunze Ubumwe za Amerika, bavuye mu Rwanda ku wa 15 Ukuboza 2017. Humble Jizzo yavuze ko bajyanyweyo no kwiyerekana mu muryango ndetse no kuhabyarira imfura yabo.

Amy Blauman yanditse kuri Facebook ko afite amashyushyu yo kubona ‘umwana amaze igihe ategereje we na Humble Jizzo’. Yanahise ahishura ko azibaruka mu gihe kitarenze icyumweru kimwe n’igice.

Yagize ati “Ubu hasigaye icyumweru kimwe n’igice […] Igihe kiregereje. Niteguye neza kugera mu kindi cyiciro gikurikiyeho.”

Humble Jizzo na we yashyize kuri Instagram ifoto igaragaza Amy Blauman akuriwe cyane ayiherekeza udutima. Abafana be bahise batangira kwifuriza umwana uzavuka ikaze.

Humble Jizzo na Amy baritegura kwibaruka umukobwa mu cyumweru kimwe n'igice

Mu mpera z’Ukwakira 2017 nibwo Humble Jizzo na Blauman batangaje ko bitegura kwakira imfura yabo y’umukobwa ari nabyo byatumye bafata umwanzuro wo guhagarika ubukwe bagombaga gukora mu Ukuboza 2017.

Humble Jizzo na Amy Blauman bakigera muri Amerika, bakorewe ibirori bya "Baby Shower" bahabwa impano zitandukanye n’abo mu muryango w’uyu mukobwa mu myiteguro y’umwana bagiye kwibaruka.

Amy Blauman yari aherutse gukorerwa ibirori bya Baby Shower


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza