Umunyabugeni yashushanyije Riderman n’umugore we Agasaro Nadia

Yanditswe na Munyengabe Murungi Sabin
Kuya 31 Ukuboza 2016 saa 10:45
Yasuwe :
0 0

Umunyabugeni witwa Emmanuel Nshimiyimana yashushanyije Gatsinzi Emery [Riderman] n’umugore we Miss Agasaro Nadia abibutsa ibihe bagize ubwo basezeranye kuwa 16 Kanama 2015.

Nshimiyimana Emmanuel asanzwe ari umushushanyi w’umunyabugeni wabyize mu mashuri yisumbuye muri Ecole d’Arts de Nyundo mu Karere ka Rubavu.

Yatangiye gushushanya mbere y’uko ajya mu mashuri yisumbuye gusa agira amahirwe yo kubyiga abikunze ndetse nyuma yo kurangiza amasomo yatangiye kubibyaza amafaranga.

Nshimiyimana Emmanuel[Emmy] w’imyaka 20 y’amavuko yavuze ko yashushanyije Riderman n’umugore we nk’inzira yashakaga kunyuramo ngo yiyerekane nk’umunyabugeni ubifitemo ubuhanga.

Ati “Njya gushushanya Riderman byari bigeze ku musozo w’irushanwa rya Yeejo The Vocal, nari nsanzwe nkunda indirimbo ze nkanazisubiramo, ni umuhanzi nkunda cyane. Icyo gihe nari mu barushanyijwe nifuzaga kumuha iyi mpano aje gusoza irushanwa ariko sinagize amahirwe yo kumubona, ntabwo yaje.”

Yongeyeho ati “Nyuma naramushakishije ndayimuha, nabonanye na we yarishimye kandi yanteye imbaraga, yanyemereye kumfasha.”

Nshimiyimana Emmanuel ni umunyabugeni usanzwe ubifatanya no gukora umuziki. Ni umuririmbyi mu njyana ya RnB na Afrobeat, yazamuwe n’irushanwa Yeejo The Vocal Riderman.

Nshimiyimana Emmanuel yize ubugeni no gushushanya muri Ecole d’Arts de Nyundo

Nyuma yo gushyikiriza Riderman iki gishushanyo uyu muraperi yamwemereye kuzamwishyurira indirimbo kwa Producer Pastor P nk’inyiturano y’ibyo yamukoreye.

Ati “Riderman yanyemereye ko ashobora kuzanyishyurira indirimbo kwa Producer Pastor P, azayishyura…”

Nshimiyimana avuga ko afite abandi bantu yagiye ashushanya bakishimira ibihangano bye ndetse ngo kuri ubu afite intego yo gukora cyane impano ye akazayizamura ikagera ku rwego rukomeye ikanamutunga.

Riderman yashyikirijwe impano yagenewe na Nshimiyimana
Uyu munyabugeni arifuza kubikora nk'umwuga ndetse bikamutunga
Riderman yemereye Nshimiyimana kuzamukoreshereza indirimbo kwa Pastor P

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza