Kwamamaza

Umunyamakuru Kayishema Tity yarushinganye n’uwo bamaze imyaka 15 bakundana (Amafoto)

Yanditswe kuya 28-11-2016 saa 10:16' na Munyengabe Murungi Sabin


Kayishema Tity Thierry, umunyamakuru wa Radio &TV10 yarushinganye n’umukunzi we Muhorakeye Justine bari bamaze imyaka igera kuri 15 bakundana.

Kayishema Tity Thierry azwi mu itsinda ry’abanyamakuru batangaza ibyerekeranye n’imikino kuri Radio 10 mu myaka itatu ishize. Yatangiriye uyu mwuga kuri Radio Salus akomereza kuri Isango Star aho yavuye ajya kuba umuyobozi w’ishami ry’amakuru y’imikino muri IGIHE mbere y’uko ajya gukorera Tele10 ari naho abarizwa kugeza ubu.

Mu kiganiro na IGIHE, Kayishema Tity yavuze ko isakaramentu ry’ugushyingirwa yahanye na Muhorakeye Justine ‘ari byo byishimo biruta ibindi abonye kuva yavuka’. Yavuze ko urukundo rwabo rwari rumaze imyaka igera kuri 15 kuko batangiye gukundana mu mwaka wa 2002 bakiri mu mashuri abanza.

Yagize ati “Justine namumenye bwa mbere mu mwaka wa 2002, ni nabwo natangiye kumutereta, icyo gihe twiganaga mu mashuri abanza, yigaga inyuma yanjye. Icyo gihe twigaga ahantu hamwe, twahise tumenyana kuko tunavuka mu kagari kamwe…”

“Natangiye kumutereta mwandikira ku mpapuro, nyuma ngeze mu mashuri yisumbuye nibwo byarushijeho kugira ingufu…”

Muhorakeye Justine na Kayishema Tity Thierry batangiye urugendo rwo gukundana ubwo bahuriye mu ishuri ribanza rya APS Primary School ahahoze hitwa i Kibungo.

Yavuze ko icyatumye akundana na Muhorakeye Justine bakamarana iyi myaka yose nta kirogoye urukundo rwabo, ngo ni uko ‘yamusanganye imico myiza no kumenya gufata ibyemezo bizima’.

Ati “Justine namukunze cyane ndetse mfata umwanzuro ko tugomba kurushinga kubera ibitekerezo bye, buriya ni umuntu witonda cyane kandi afata ibyemezo ubona ko birimo ubwenge no gushishoza cyane.”

Ubukwe bw’abo bombi bari bamaze igihe kigera ku myaka ibiri babutegura. Umuhango wo gutanga inkwano wabaye kuwa 15 Ukwakira 2016 muri Centre Saint Joseph (Diocese ya Kibungo).

Kayishema na Muhorakeye bahanye isakaramentu ry’ugushyingirwa muri Paruwasi ya Regina Pacis-Remera kuwa 26 Ugushyingo 2016 naho gusangira n’inshuti bibera muri Centre Saint Francois d’Assize ku Kicukiro.

Ubukwe bwabo bwatashywe n’abanyamakuru b’imikino bagera kuri 50 bazwi mu Rwanda mu bitangazamakuru bitandukanye, bwatashywe kandi n’abiganjemo abakinnyi b’amagare barimo Valens Ndayisenga uherutse gutwara Tour du Rwanda, Umuyobozi w’Ishyirahamwe ry’Umukino w’Amagare mu Rwanda Bayingana Aimable; hari kandi abiganye na Tity mu ishuri ry’itangazamakuru, abo mu miryango yombi n’inshuti zabo.

Kayishema na Muhorakeye mu kiliziya
Kayishema na Muhorakeye barushinze nyuma y'imyaka 15 bakundana
Tity na Justine bahanye isezerano ryo kuzabana kugeza ku rupfu
Nyuma yo guhana isezerano banyoye ku nkongoro y'amaraso ya Yezu
Muhorakeye Justine yarushinganye na Tity
Umunezero wari wose
Umunyamakuru Peter Kamasa yari agaragiye Kayishema
Abagize itsinda 'Lovely Couples' bahaye Tity impano
Abakorana na Muhorakeye Justine bamugeneye impano
Abo biganye mu ishuri ribanza rya APS Primary School
Abo biganye muri Ecole des fiancés
Ishyirahamwe ry'abanyamakuru b'imikino mu Rwanda ryageneye Tity n'umugore we impano
Ikipe y'abanyamakuru b'imikino kuri Radio 10 yamugeneye igare rya siporo
David Bayingana ari mu bashimye icyemezo Kayishema yafashe
Gakwavu Sidick ni we wasigiwe igifunguzo cy'ubusiribateri
Sidick(uwa gatatu iburyo) nyuma yo kubwirwa ko asigiwe igifunguzo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved