Kwamamaza

Umunyamakuru Lucky yakoze ubukwe (Amafoto)

Yanditswe kuya 17-10-2016 saa 07:40' na Munyengabe Murungi Sabin


Nzeyimana Luckman, umunyamakuru uzwi cyane mu cyiciro cy’abakora inkuru z’imyidagaduro kuri Royal TV yarushinganye n’umukobwa witwa Murekatete Divine [Halwat] nyuma y’imyaka ikabakaba itanu bakundana.

Lucky yakoreye Radio Isango Star na City Radio mu biganiro by’imyidagaduro mu gice cy’abahanzi n’umuziki. Yaje kwimukira kuri Lemigo TV [isigaye yitwa Royal TV] mu mwaka wa 2014 ari naho akorera kugeza ubu.

Lucky na Murekatete Divine basezeranye kuri uyu wa Gatandatu tariki ya 15 Ukwakira 2016 mu idini rya Islam. Ibirori byo kwishimira isezerano ry’aba bombi byabereye ku Kicukiro ruguru y’ibiro by’Akarere. Byitabiriwe na benshi mu bahanzi n’abantu b’ibyamamare bazwi mu Rwanda barimo Ziggy 55 wari Parrain, Uncle Austin, Anita Pendo, Bruce Melody, Hope Irakoze, Dream Boyz, Christopher, Active, Mavenge n’abandi benshi.

Mu kiganiro na IGIHE, Lucky yavuze ko mu byo yakundiye mugore we kuva ku munsi wa mbere bamenyaniyeho kugeza ubu, harimo kuba akunda akazi, gutanga inama no kumvira.

Ati “Mu byo namukundiye icya mbere buriya uyu mugore akunda akazi, afata imyanzuro myiza kandi ntayiveho, akunda kungira inama cyane akanyereka ikimfitiye akamaro akananshishikariza kwanga ikibi.”

Lucky na Divine bahuriye hafi y’ahakorera City Radio mu Mujyi wa Kigali rwagati muri 2011, icyo gihe ngo mu byatumye batangira kuvugana ngo ni uko uyu mukobwa yakundaga gucyaha Lucky iyo yamubonaga avuye gusheta[betting].

Ngo yahoraga abwira Lucky ko gusheta amafaranga nta nyungu igaragara byazamugezaho ahubwo ko icyiza ari uko yajya yizigamira binyuze mu buryo bwiza ndetse amafaranga akayabyaza umusaruro.

Umunsi wa mbere bacyinjira mu rugo rwabo rushya, Lucky ngo yabwiye umugeni we ko ‘bakwiye gukomeza gukundana iteka birinda gutera agahinda imiryango yabo yishimiye isezerano bagiranye’.

Ati “Namubwiye ko dukwiye kwirinda icyatuma abantu baje kureba ubukwe bwacu bababara, twateranyije imiryango tuyibwira ko tugiye kubana burundu, ejobundi rero tugaruka tukavuga ko twatandukanye byaba ari bibi cyane. Namubwiye ko tuzakundana kugeza ku iherezo.”


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved