Umunyamideli Kantengwa Judith yahawe igihembo gikomeye muri Afurika y’Epfo

Yanditswe na Munyengabe Murungi Sabin
Kuya 24 Ukwakira 2016 saa 03:09
Yasuwe :
0 0

Umunyamideli Judith Heard Kantengwa wamamaye muri Uganda mu kumurika imideli yahawe igihembo gikomeye muri Afurika y’Epfo nk’uwakoze ibidasanzwe mu gice cy’imyidagaduro.

Judith Heard ni umwe mu banyamideli bagezweho kandi bubashywe muri Uganda. Yashinze inzu y’imideli mu Mujyi wa Kampala, afite n’indi afatanyije n’Umunyanijeriya bise ‘2African Girls’ iherereye mu Mujyi wa Houston muri Leta yaTexas.

Chimpreports itangaza ko igihembo Judith Heard yahawe agikesha ibikorwa byiza byo gufasha abatishoboye yakoze n’uburyo akoresha izina rye nk’icyamamare mu gukora ibifitiye inyungu umuryango.

Igihembo Judith Heard yahawe cyitwa ‘Hero of the Month’ award, gitangwa n’ikompanyi yo muri Afurika y’Epfo yitwa Reel African Hero Awards ari nayo itoranywa umuntu w’icyamamare wahize abandi mu kwitanga no gufasha umuryango akuye ubushobozi mu byo yinjiza nk’icyamamare.

Yahawe iki gihembo nyuma y’ibirori bya MTV Africa Music Awards yari yatumiwemo biherutse kubera mu Mujyi wa Johannesburg.

Judith Heard ni umubyeyi w’abana batatu, babiri muri bo ni impanga yabyaranye n’umugabo we, Umunyamerika Dr. Alex Heard naho uwa gatatu ni uwo yafashe yiyemeza kumubera nyina.

Mu bana b’imfubyi afasha harimo abo mu Rwanda by’umwihariko iyo yaje i Kigali ni gake asubira muri Uganda adasuye ibigo birera imfubyi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244