Umuraperi AY yakoye umunyarwandakazi mu birori byabereye i Nyamata(Amafoto)

Yanditswe na Munyengabe Murungi Sabin
Kuya 10 Gashyantare 2018 saa 07:03
Yasuwe :
0 0

Umuraperi Ambwene Allen Yessayah [AY] wo muri Tanzania yasabye anatanga inkwano mu muryango w’Umunyarwandakazi witwa Remy agiye kurongora.

Ubukwe bwa AY bwabereye kuri Golden Tulip Hotel, hari harinzwe cyane ku buryo nta munyamakuru cyangwa umufotozi wigenga wari wemerewe kuhakandagira. Kuri uyu wa Gatandatu tariki ya 10 Gashyantare habaye igice kimwe cy’ubu bukwe ari cyo cyo gusaba, hanyuma ikindi kizabere mu Mujyi wa Dar es Salaam.

Mu baherekeje AY bazwi muri Tanzania harimo manager wa Diamond Platnumz uri mu bari bambariye umusore, hari kandi Producer Hermy B [umutunganyiriza indirimbo] ndetse na bake mu byegera by’uyu muraperi bimufasha mu kazi ka muzika n’ibijyanye n’ubucuruzi akora.

Umuhanzi Senderi International Hit yatunguranye muri ubu bukwe anaburirimbamo indirimbo yahimbiye Remy n’umugabo we AY.

Mbere yo kuririmba, Senderi yagize ati "Ababyeyi banjye ntabwo naririmba batanyemereye, nabanje kubasaba uruhushya. Ndashaka twerekane ko Hit ihora ari Hit, Afurika yose babibone, Tanzania yose by’umwihariko Mbeya."

Allen Yessayah n’umuryango we basabye umugeni bahagarariwe n’uwitwa Bizima. Nyuma y’umuhango wo gusaba no gukwa hazakurikiraho gusezerana mu musigiti mu muhango uzabera i Dar es Salaam tariki ya 24 Gashyantare 2018.

AY hano yari amaze guhabwa umugeni we
AY n'abasore bari bamugaragiye ubwo bari mu muhango wo gusaba no gukwa
Ubukwe bwa AY na Remy bwabereye i Nyamata kuri Golden Tulip
Mu busitani bw'iyi hoteli ahabereye ubukwe bwa AY

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza