Kwamamaza

Umutoma wa Tricia ku mugabo we Tom Close

Yanditswe kuya 28-10-2016 saa 14:18' na Munyengabe Murungi Sabin


Niyonshuti Ange Tricia yashimiye by’ikirenga umugabo we Tom Close wizihije isabukuru y’amavuko, yamuvuze ibigwi ndetse amushimira kuba yaramutoranyije mu bakobwa bose akamugira umugore.

Tom Close na Tricia bamaranye imyaka igera kuri itatu barushinze, ubu bafitanye umwana w’umukobwa witwa Ella. Tom Close n’umugore we basezeranye imbere y’Imana ku itariki 30 Ugushyingo 2013.

Kuri uyu wa 28 Ukwakira 2016, Tom Close yizihije isabukuru y’imyaka 30 amaze avutse. Mu kwifuriza umugabo we umunsi mwiza, Tricia yanditse kuri Instagram amagambo ‘agaragaza Tom Close nk’umuntu udasanzwe wanamuhesheje umugisha mu gihe cyose bamaranye’.

Yateruye agira ati “Isabukuru nziza nkingi ya zahabu Imana yanyihereye Tom Close. Imana Ishimwe yo yakurinze kugeza ubu ikampa n’amahirwe yo kukugira hafi. uri byinshi; uri umugabo mpamya neza ko n’ababyeyi bawe aho bari hari amapeti bafite kuko bafite umuntu nkawe ku Isi.”

Niyonshuti Ange Tricia yongeyeho ko yifuza kuzabana na Tom Close kugeza igihe Isi izashirira ndetse ngo mu byifuzo yagejeje ku Mana asaba ko ‘bazakomeza kubana mu bazemererwa kwinjira mu ijuru.

Yagize ati “Nifuza ko tuzamarana imyaka igihumbi ndetse twava no ku Isi tukazagumana iruhande rw’Imana ariko bitanakunze umenye ko iminsi maranye nawe ari inzozi nziza ntajya niyumvisha. Uwiteka akomeze aguhe ibyiza no kuramba. Ndagukunda rudasumbwa.”

Tricia yavuze ibigwi umugabo we Tom Close bamaranye imyaka itatu

Ibyo Tricia yanditse byishimiwe na benshi ndetse mu bitekerezo birenga 50 byashyizweho abantu bagaragaje ko “bishimira by’ikirenga imibanire ya Tom Close n’umugore we”. Aba bombi bashimiwe kwicisha bugufi, kubana na bose nta vangura ndetse ngo ababasura mu rugo bahora bifuza kuzahagaruka.

Isabukuru ya nyuma Tom Close yizihije ari kumwe na nyina hari mu 1995
Tom Close na Tricia bakunze kugaragara kenshi batemberana
Tom Close n'umwana we Ella

Malayika murinzi, indirimbo Tom Close aheruka gusohora


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved