Umutoniwase yaje mu icumi ba mbere, Umunya-Mauritius agirwa Miss University Africa (Amafoto)

Yanditswe na Munyengabe Murungi Sabin
Kuya 3 Ukuboza 2017 saa 08:54
Yasuwe :
0 0

Umutoniwase Linda waserukiye u Rwanda muri Miss University Africa yasoje ari mu icumi ba mbere mu gihe umukobwa wari uhagarariye Mauritius yambitswe ikamba mu birori byabaye mu ijoro ryo kuri uyu wa 2 Ukuboza 2017.

Umukobwa watsinze iri rushanwa ryari rimaze ibyumweru bitatu ribera muri Nigeria yitwa Lorriane Nadal, yari ahatanye n’abakobwa baturuka mu bihugu 53 ku Mugabane wa Afurika.

Mu ijoro ryo gutora Miss University Africa abakobwa bose uko ari 54 babanje kwitabira umuhango wo gusangira na Guverineri w’Intara ya Rivers ari nayo irushanwa ryabereyemo. Guverineri yashimiye aba bakobwa ku bw’ibikorwa by’urukundo bakoreye mu gace ayobora ndetse abifuriza intsinzi bose.

Umutoniwase Linda [usanzwe ari igisonga cya kabiri mu irushanwa rya Miss Rwanda 2017] yasoje irushanwa abashije kuza mu bakobwa icumi ba mbere bagaragaje ubuhanga n’igikundiro harebewe ku manota yatanzwe n’abakurikiye irushanwa ndetse n’akanama nkemurampaka.

Ibihugu byaje muri Top11 harimo Gambia, Tanzania, Nigeria, Uganda, Somalia, Eritrea, Tunisia, Ethiopia, Sao Tome ndetse n’u Rwanda.

Lorriane Nadal wo muri Mauritius yambitswe ikamba rya Miss University Africa 2017 ahigitse abakobwa 53

Irushanwa ryarangiye umukobwa witwa Lorriane Nadal wo muri Mauritius yambitswe ikamba rya Miss University Africa 2017. Yagaragiwe na Nyampinga wa Somalia wabaye igisonga cya mbere naho uwa Uganda aba igisonga cya kabiri.

Miss University Africa yatangiye mu 2010, u Rwanda rwaherukaga guhagararirwa mu mwaka wa 2012, icyo gihe hagiyeyo uwari Nyampinga w’Igihugu Mutesi Aurore gusa ntiyabashije gutahana ikamba.

Uwa Uganda, Somalia na Mauritius ni bo bageze mu cyiciro cya nyuma batorwamo Miss University Africa 2017
Umutoniwase Linda(uwa mbere iburyo) yabashije kuza muri 11 bitwaye neza
Umukobwa witwa Lorriane Nadal wo muri Mauritius yambitswe ikamba rya Miss University Africa 2017

Amwe mu mafoto ya Umutoniwase Linda muri Miss University Africa

Umutoniwase Linda uhagarariye u Rwanda muri Miss University Africa
Umutoniwase Linda na bamwe mu bakobwa bahataniye ikamba rya Miss University Africa
Umutoniwase uhagariye u Rwanda na bagenzi be uwa Somalia ndetse n'uwa Tanzania
Umutoniwase Linda yari mu bakobwa 54 bahataniye ikamba rya Miss University Africa
Umutoniwase Linda wari uhagarariye u Rwanda muri Miss University Africa yahawe igihembo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza