Umwana wa Katauti na Oprah arashaka kugirana ibiganiro na Perezida Magufuli

Yanditswe na Dusabimana Aimable
Kuya 17 Gashyantare 2017 saa 12:32
Yasuwe :
0 0

Irene Uwoya [Oprah] yatangaje ko umwana w’umuhungu yabyaranye na Ndikumana Katauti Hamad amaze iminsi amubuza amahwemo amusaba kumufasha mu buryo bushoboka, akagirana ibiganiro na Perezida Magufuli wa Tanzania.

Ni nyuma y’iminsi Ndikumana Katauti Hamad wakanyujijeho nk’umukinnyi mu mupira w’amaguru mu Rwanda yeruye ko yamaze gutandukana burundu na Irene Uwoya wamamaye cyane muri Tanzania ku izina "Oprah" kubera gukina filime.

Katauti na Oprah batandukanye bafitanye umwana umwe w’umuhungu witwa Krish Hamad Ndikumana wabonye izuba ku itariki ya 8 Gicurasi 2010, yavukiye muri Tanzania mu bitaro byitwa Regency biri ahitwa Upanga mu Mujyi wa Dar Es Salaam.

Mu kiganiro Irene Uwoya yagiranye n’ikinyamakuru Bongo5 gikorera muri Tanzania, yavuze ko uyu muhungu yabyaranye na Katauti hashize iminsi yaramubujije amahwemo amusaba kumufasha ibishoboka akagirana ibiganiro na Perezida Magufuli. Ntiyigeze atangaza impamvu nyirizina ituma Krish abyifuza.

Ati "Igihe kinini aba ari kumbwira ngo ’Nkunda Perezida Magufuli, nifuza kuba Perezida’, agahora abivuga atyo, bigatuma igihe cyose nshoberwa.Hari n’igihe ambaza niba mfite nimero ya Perezida Magufuli avuga ko ashaka kuvugana na we."

Oprah avuga ko hari n’igihe uyu muhungu yabyaranye na Katauti umaze kugira imyaka itandatu ajya amusaba kumufatira amashusho ngo ayoherereze Perezida Magufuli wa Tanzania akabura icyo akora akamushukisha uduhendabana kugira ngo acururuke.

Uwoya n’umugabo we Katauti bagiye bagirana ibibazo bikomeye birimo no gutandukana bakongera bagasubirana, gucana inyuma, kurwana, intonganya za hato na hato n’ibindi.

Muri 2016 byagiye bivugwa cyane ko uyu mugore yaba afitanye umushinga w’ubukwe n’umuririmbyi Jaguar wo muri Kenya, icyo gihe Katauti yabyamaganiye kure avuga ko batigeze batandukana ndetse nta n’ikibazo na kimwe bafitanye.

Mu kiganiro aherutse kugirana na IGIHE ku itariki 9 Gashyantare 2017, Ndikumana Hamad Katauti ubu usigaye ari umutoza wungirije wa Musanze FC yashimangiye ko iby’urugo rwe na Irene Uwoya byamaze kurangira gusa yanze kuvuga byeruye icyateje ubwumvikane buke hagati yabo.

Yabwiye umunyamakuru ati “Ibyo wabonye nibyo muvandimwe, nta kindi nakongeraho…” Abajijwe impamvu yatumye ibye na Oprah birangira yasubije mu magambo make ati “Ibyo uzabimenya vuba.”

Irene Pancras Uwoya na Ndikumana Katauti Hamad basezeranye imbere y’Imana ku tariki ya 11 Nyakanga 2009, ibirori byabereye kuri Hoteli yitwa Giraffe View, iherereye Mbezi Kawe, mu Mujyi wa Dar es Salaam biritabirwa cyane.

Ubukwe bwabo bwakoze amateka akomeye kuko bwanditswe mu biyamakuru bitandukanye ko ari bwo bukwe buhenze kurusha ubw’ibyamamare byose bwabayeho muri Tanzania muri icyo gihe, bwatwaye miliyoni 80 z’amashilingi ya Tanzania.

Irene Uwoya n'Umuhungu we Krish
Krish, Umuhungu wa Katauti na Oprah
Krish wa Oprah na Katauti yifuza guhura na Perezida Magufuli(Ifoto yakuwe kuri Instagram)
Krish wa Katauti na Oprah amaze kugira imyaka itandatu(Ifoto Instagram)
Katauti na Oprah bakoze ubukwe bw'akataraboneka, gusa ubu bamaze gutandukana(Ifoto yakuwe kuri internet)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244