Umwe mu bagize Urban Boyz agiye gukora ubukwe

Yanditswe na Munyengabe Murungi Sabin
Kuya 10 Ugushyingo 2016 saa 12:09
Yasuwe :
0 0

Manzi James[Humble Jizzo], umwe mu baririmba mu itsinda rya Urban Boyz ari mu mishinga yo gutegura ubukwe n’umukobwa w’Umunyamerika witwa Amy Blauman bamaze igihe bakundana.

Humble Jizzo na Amy Blauman batangiye gukundana mu buryo buteruye mu mwaka wa 2015. Urukundo rugitangira kuvugwa hagati yabo babanje kubihakanira itangazamakuru nyuma baza kubyemera ndetse kuri ubu bateganya kurushinga bitarenze impeshyi y’umwaka wa 2017.

Mu kiganiro na IGIHE, Humble Jizzo yahamije ko bamaze gufata umwanzuro ko bazarushinga bitarenze umwaka utaha ndetse mu gihe cya vuba uyu muririmbyi azajya gusura umuryango wo kwa sebukwe muri Amerika.

Yagize ati “Iyo urukundo ruhari nta kiba gisigaye, amaherezo urabona ko bigomba kuzagenda neza, nzakomeza kubibamenyesha, ntabwo nzabibahisha […] Namweretse umuryango wanjye, na we byumvikane ko agomba kunyereka uwabo bakatumenya mbere y’uko biba[gusezerana].”

Yongeyeho ko azajya gusura umuryango wo kwa sebukwe muri Leta Zunze Ubumwe za Amerika nyuma bagahita batangira gukora imihango y’ubukwe. Ati “Ni gutyo bizagenda, nanjye nzajyayo, no mu muco niko bigenda […] Byose bizaba mu mwaka utaha.”

Humble Jizzo na Amy Blauman bazerekeza muri Amerika mu mezi ya mbere y’umwaka wa 2017, nibavayo bategure imirimo ya nyuma y’ubukwe bwabo bateganya ko bugomba kuzabera mu Rwanda.

Humble Jizzo na Amy barateganya kurushinga mu mwaka utaha

Mu kwezi k’Ukuboza 2016, Humble Jizzo na Amy Blauman bagiye gusura umuryango w’uyu muhanzi utuye i Nyagatare, umukobwa baramushimye ndetse ubu imiryango yombi yatangiye gahunda yo kumenyana no gutegura uko ubukwe bugomba kuzagenda.

Humble Jizzo n’uyu mukobwa ngo bamenyaniye muri Nigeria ubwo Urban Boyz yari yitabiriye iserukiramuco rya muzika rya ‘Gidi Culture Festival’ muri 2015. Bagarutse mu Rwanda, uyu musore yakunze kugaragara mu Mujyi wa Kigali atemberana na Blauman, kuva ubwo kugeza ubu ‘bari mu rukundo rukomeye’.

Mu cyumweru gishize aba bombi bari bagiye i Rubavu kwishimisha
Ubwo Humble Jizzo yari yagiye kwerekana umugeni iwabo i Nyagatare

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza