Kwamamaza

Umwihariko wa Kwizera Peace mu begukanye Miss Naïades kuva mu 1998

Yanditswe kuya 24-11-2016 saa 13:11' na Munyengabe Murungi Sabin


Kwizera Peace Ndaruhutse yegukanye ikamba mpuzamahanga ry’ubwiza rya Miss Naïades ryahataniwe n’abakobwa bo mu bihugu bitandukanye bya Afurika kuwa 13 Ugushyingo 2016 mu Mujyi wa Cotonou.

Irushanwa rya Miss Naïades ritumirwamo abakobwa babaye ibisonga bya Nyampinga mu bihugu birenga 30 bya Afurika gusa uyu mwaka bamwe babuze ubushobozi n’ibyangombwa babura uko bagera muri Benin.

Ndaruhutse Kwizera Peace w’imyaka 20 y’amavuko, afite uburebure bwa sentimetero 181 agapima ibiro 70. Asanzwe ari igisonga cya mbere cya Nyampinga w’u Rwanda 2016 ari nabyo byamuhesheje iturufu yo guhatanira Miss Naïades.

Igisonga cya kabiri cyabaye umukobwa witwa Kenta Awa wo muri Guinée naho uwitwa Kpogbezani Lucrece wo muri Benin aba igisonga cya mbere.

Umuyobozi w’ishyirahamwe ritegura Miss Naïades, Eustache Mekinda yabwiye IGIHE ko irushanwa ry’uyu mwaka ryari umwihariko kurusha indi yatambutse kuva mu 1998 kuko ‘abagiye batorwa batezaga impaka ntibavugweho rumwe ndetse itangazamakuru rikavuga ko habayemo ikimenyane’.

Eustache Mekinda yavuze ko itorwa rya Kwizera Peace ari ryo ryonyine ritakurikiwe n’ibibazo mu gihe abandi bakobwa batowe byatezaga impagarara. Ati “Yatowe ubona ko bose bamushakaga, ni mwiza kandi ni umuhanga.”

Mu myaka 13 ishize ngo Kwizera Peace ni we watowe yishimirwa na bose

Yongeraho ati “Mvugishije ukuri mu myaka yashize umukobwa yaratorwaga abantu ugasanga ntabwo babyishimiye, bakadushinja gukoresha ikimenyane, kuri uyu mukobwa wo mu Rwanda ndakeka nta wamushidikanyijeho, no muri bagenzi be numvise nta kibazo cyasigaye.”

Yavuze ko mu byo bemereye Kwizera Peace harimo kumufasha no kumuherekeza mu mishinga yose azategura nka Miss Naïades. Minisitiri w’Umuco na Siporo muri Benin, Oswald Homeky na we yijeje Kwizera Peace ko ibyo azategura gukorera muri iki gihugu ubuyobozi buzamushyigikira.

Igisobanuro cy’ijambo ‘Naïades’, abateguye irushanwa bavuze ko bivuga ‘Jeune femme plus belle’[umwangavu w’uburanga kurusha abandi].

Abateguye irushanwa bahamya ko Kwizera Peace yatowe abikwiye
Minisitiri w'Umuco na Siporo muri Benin yemereye Kwizera Peace ubufatanye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved