Uwahoze ari umugabo wa Khloe Kardashian yahishuye uko yaryamanye n’abagore barenga 2000

Yanditswe na Muvunyi Arsène
Kuya 16 Gicurasi 2019 saa 10:39
Yasuwe :
0 0

Ku nshuro ya mbere Lamar Odom wamamaye muri shampiyona y’umukino wa Basketball muri Leta Zunze Ubumwe za Amerika [NBA] akaba yaranabaye umugabo wa Khloe Kardashian, yahishuye uko yabaye ingaruzwamuheto y’igitsina akaryamana n’abagore barenga 2000.

Ibi bikubiye mu gitabo cye yise “Darkeness to Light” kizasohoka tariki 28 Gicurasi 2019.

Uyu mugabo w’imyaka 39 yavuze ko yaryamanye n’abogore barenga 2000 barimo indaya yishyuraga amafaranga.

Ati “ Nabaye ingaruzwamuheto y’igitsina. Abo twaryamanye abenshi bari indaya ntashobora kubara. Ntabwo byari ibintu bikomeye ariko akenshi narabishyuraga.”

Uyu mugabo washakanye n’umuvandimwe wa Kim Kardashian, Khloe Kardashian mu 2009 bagatandukana mu 2015, yahishuye ko nawe yamuciye inyuma inshuro zitabarika.

Ati “Byankoze ahantu binantera ikimwaro. Nashakaga kubisubiza inyuma ariko ntibyankundira. Nashatse kubihisha ariko ntabwo nari kubibasha. Nari mfite ikibazo.”’

Odom yavuze ko gukunda gukora imibonano mpuzabitsina byari byararenze igipimo, dore ko muri filime zose z’urukozasoni nta n’imwe atari yararabye.
Ati “filime z’ubusambanyi nari narazihetuye. Aho niho umenyere ko warenze ihaniro.”

Uko yasambanaga cyane niko yanakoreshaga ibiyobyabwenge byinshi, byamufashaga kongera ibyishimo.

Ati “ Gukora imibonano mpuzabitsina byasemburaga kunywa ibiyobyabwenge kuko ibyishimo byikubaga inshuro ebyiri.”

Mu 2015 Lamar Odom yajyanywe mu bitaro ubwo yari yagiye muri koma bitewe n’ingaruka z’ibiyobyabwenge byangije imitsi y’ubwonko n’umutima.

Muri iki gitabo avuga ko atagikoresha ibiyobyabwenge, ariko ko akirwana no kubyikuramo burundu.

Lamar Odom na Khloe Kardashian bakundanye mu buryo butangaje kuko bakoze ubukwe nta n’umwaka ushize batangiye gukundana.

Nyuma y’ubukwe bwabo batangije ikiganiro cyo kuri televiziyo bise “Khloe and Lamar Debut” aho berekanaga ubuzima bwabo.

Bwa mbere mu 2013 nibwo uyu mugabo yavuzweho guca inyuma umugore ariko bombi babyamaganira kure.

Mu Ukuboza uyu mwaka Khloe Kardashian yasabye gatanya mu rukiko bitewe n’ibiyobyabwenge bikabije Lamar yakoreshaga byatumye afungwa akanajyanwa kuvurwa, hakiyongeraho inkuru z’urudaca zavugaga ko uyu mugabo ari umusambanyi ruharwa.

N’ubwo umugabo yabanje kwanga ko batandukana, muri Nyakanga 2015 nibwo urukundo rwabo rwageze ku iherezo buri umwe atangira ubuzima bushya.

Lamar Odom yakiniye amakipe atandukanye arimo Los Angeles Clippers, Miami Heat, Los Angeles Leakers na Dallas Mavericks.

Lamar Odom yatandukanye na Khloe Kardashian bitewe n'ubushurashuzi
Lamar Odom yiyemereye ko yaryamanye n'abagore 2000
Lamar Odom yakiniye amakipe atandukanye yo muri NBA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza