Uwase Belinda wahatanye muri Miss Rwanda 2017 yakowe (Amafoto)

Yanditswe na Munyengabe Murungi Sabin
Kuya 2 Ukwakira 2017 saa 08:00
Yasuwe :
8 0

Umutoni Uwase Belinda, umwe mu bakobwa bahataniye ikamba rya Nyampinga w’u Rwanda 2017, yasabwe aranakobwa mu birori byabereye muri Sunset Garden i Kagugu kuri iki Cyumweru tariki ya 1 Ukwakira 2017.

Ubukwe bwa Miss Umutoni Uwase Belinda n’umukunzi we Theo Gakire Ntarugera bwatangajwe mu buryo bwatunguye benshi, urukundo rwabo narwo ntirwavuzwe na rimwe mu itangazamakuru nk’uko bisanzwe bigenda ku bandi bakobwa b’ibyamamare.

Ibirori byo gusaba no gukwa Miss Umutoni Uwase Belinda byitabiriwe na bamwe mu bakobwa b’inshuti ze bahataniye ikamba rya Nyampinga w’u Rwanda barimo Umutesi Aisha, Ashimwe Fiona Doreen, Umutoni Tracy Ford, Shimwa Guelda, Mukunde Laurette, Nadia Mutesi ndetse na Umuhoza Simbi Fanique.

Miss Umutoni Uwase Belinda w’imyaka 21 na Theo Gakire bagiye guhita bitegura ibirori byo guhamya isezerano bazagirana n’Imana ku nkombe z’Ikiyaga cya Kivu ahitwa Moriah Hill Resort ku Kibuye.

Miss Umutoni Uwase ntiyakunze kuvugwa cyane mu itangazamakuru nyuma y’irushanwa rya Nyampinga w’u Rwanda ndetse ibyo gukundana na Theos Gakire ntibyamenyekanye kugeza ubwo impapuro z’ubutumire zagiye hanze.

Ubwo Miss Umutoni Uwase Belinda yari kumwe n'abavandimwe be bagiye kumutanga
Theos Gakire na Belinda mu birori byo gusaba no gukwa
Miss Umutoni Uwase Belinda n'abakobwa bari bamuherekeje
Ibyo kunywa byari biriho amafoto n'amazina y'abageni
Uwase Belinda w'imyaka 21 yari mu bakobwa bifuzaga kuba Nyampinga w'u Rwanda 2017
Nyuma yo gusaba no gukwa, Belinda agiye guhita yitegura gusezerana imbere y'Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza