00:00:00 IGIHE NETWORK KN KINYARWANDA EN ENGLISH FR FRANCAIS

Uwiyitiriye P Fla ku mbuga nkoranyambaga akomeje kuzonga abantu

Yanditswe na Nsengiyumva Emmy
Kuya 18 Ukwakira 2021 saa 08:59
Yasuwe :
0 0

Umuntu utaramenyekana akomeje kuzonga abakoresha imbuga nkoranyambaga, akabambura utwabo yitwaje izina ry’umuraperi Hakizimana Amani uzwi nka P Fla.

Amanyanga ye yatahuwe mu mpera z’icyumweru turangije ubwo yashatse gutuburira umwe mu banyamuziki b’abanyarwanda batuye muri Zambia.

Abinyujije ku rukuta rwe rwa Facebook, uyu wiyitiriye P Fla yandikiye umukunzi wa P Fla akaba n’umunyamuziki wa hano mu Rwanda ariko utuye muri Zambia, amusaba amafaranga yo kumutabara amubeshye ko yapfushije umwana.

Mbere y’uko yohereza amafaranga kuri nimero yari yahawe inabaruye ku mazina asanzwe ya P Fla, uyu wari uyasabwe yagize amakenga abanza kubaza neza niba koko uyu muraperi yagize ibyago.

Nyuma yo gusanga yabeshywe, uyu wari ugiye kwibwa yahise yifata ndetse ashaka uko yamenyesha P Fla ko hari abari kumwiyitirira bagamije kwiba rubanda.

Umuraperi P Fla aganira na IGIHE yavuze ko amaze iminsi abona ubutumwa bw’abamubwira ko basabwa amafaranga mu izina rye, kenshi ahamya ko yagiye abikerensa gusa na we yababajwe bikomeye no kumva ko uyu mujura abeshya ikinyoma cy’uko umwana we yitabye Imana.

Ati " Kenshi ibi nagiye mbyumva nkabikinisha, ariko nanjye ndi umuntu kandi ndababara, ibaze umuntu kugera aho abeshya ko umwana wanjye yitabye Imana? Ni ukuri ntabwo ari byo kandi inzego zibishinzwe ntekereza ko zikwiye kumfasha."

P Fla yabwiye abakunzi be kujya bashishoza mbere y’uko bagira uwo baha amafaranga mu izina rye, yavuze ko abantu bakwiye kumva ko abatekamutwe bakajije umurego bityo bakirinda kugwa mu mutego watuma babatwara ibyabo.

P Fla yasabye abakunzi b'umuziki we kwirinda abatekamutwe babasaba amafaranga mu izina rye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .