VD Frank n’umukunzi we bazasezerana mu buryo bwihariye

Yanditswe na Munyengabe Murungi Sabin
Kuya 19 Nzeri 2017 saa 11:58
Yasuwe :
0 0

Mugisha Frank wakoze umuziki igihe kinini akoresha izina rya VD Frank agiye kurushingana n’umukobwa witwa Chantal bamaze imyaka irenga ine bakundana.

VD Frank yamamaye mu muziki igihe kinini ndetse mbere y’uko awusezera mu mwaka wa 2009 yakoreye igitaramo kuri Stade ya Kigali, icyo gihe yamurikaga album ndetse yatumiye umuririmbyi Ragga Dee wari ukunzwe bikomeye muri Uganda.

Ubukwe bwa VD Frank na Uwizeye Chantal [bakunze kwita Wizo] buzaba ku itariki ya 4 Ugushyingo 2017 ari nabwo hazaba umuhango wo gusaba no gukwa naho ku itariki ya 5 Ugushyingo 2017 habe ubukwe nyir’izina.

Mu kiganiro na IGIHE, VD Frank yavuze ko ubukwe bwe na Uwizeye buzaba mu buryo bwihariye bitandukanye n’uko abandi bageni bakora ibirori byo kurushinga, uretse udushya bihariye bateganya kuzakora n’umuhango wo gusezerana ngo uzaba ari umwihariko.

Yagize ati “Ntabwo tuzakora ubukwe kumwe musanzwe mubibona, icya mbere ni uko dushaka gukora ikintu kizatuma twishima twembi. Ku itariki ya 4 Ugushyingo nibwo hazaba gusaba no gukwa hanyuma ku itariki ya 5 Ugushyingo dusezerane.”

Yongeyeho ko gusezerana imbere y’Imana bazabikora mu buryo bwihariye, bazasezeranywa na pasiteri wigenga kandi bibere mu nzu yateganyijwe kuzaberamo umuhango wo gusangira n’inshuti.

Ati “Ntabwo tuzasezerana kumwe bisanzwe, tuzasezeranywa na pasiteri wigenga witwa Kaniziyo, uyu afite urusengero rwe i Gikondo ariko hari n’izindi nsengero zikomeye afite muri Uganda […] Tuzabanza tujye kwifotoza nituvayo tujye gusezeranira muri reception.”

VD Frank yavuze ko mu byo yakundiye Uwizeye Chantal kugeza ubwo yemera ko amubera umugore ngo ni uko afite imyitwarire yihariye ugereranyije n’abandi bakobwa yabanje kumenyana na bo mbere ndetse ngo uyu mukobwa barahuje cyane.

VD Frank n’umukunzi we biteguraga ubukwe ku itariki ya 5 Ugushyingo 2017

Ati “Njyewe ngira imico yihariye ntabasha kumvikanaho n’abandi bakobwa, ariko we yabashije kumenya imico yanjye agendera mu murongo wanjye ndetse turahuza. Atandukanye cyane n’abandi bakobwa namenyanye na bo mbere, arihangana kandi aranyumvira, tugendana ku murongo umwe.”

Mu bakobwa bamenyekanye cyane VD Frank yakundanye na bo harimo uwitwa Dada Cross ndetse bigeze no gutangaza ko bazarushinga birangira batandukanye buri wese aca inzira ze.

VD Frank ngo yakundiye uyu mukobwa ko bahuza muri byose
Uwizeye Chantal umukunzi wa VD Frank
Hano ni ku isabukuru y'amavuko ya Chantal iherutse kuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza