Video: Nta mukobwa ufite umusore bakundana mu bahatanira Miss Rwanda

Yanditswe na IGIHE
Kuya 15 Gashyantare 2017 saa 04:52
Yasuwe : XX
0

Abakobwa bose bashakishwamo uzaba Nyampinga w’u Rwanda bahakanye beruye ko nta n’umwe muri bo ufite umusore bakundana ndetse benshi ntibagaragaza uruhande bahagazeho mu mpaka z’ibyerekeye urukundo.

Uko ari cumi na batanu bo mu bice bitandukanye by’igihugu bamaze iminsi itatu mu Karere ka Bugesera aho bagiye gukorera umwiherero w’ibyumweru bibiri. Mu gitondo cyo ku Cyumweru tariki 13 Gashyantare nibwo bajyanywe mu mwiherero (Boot Camp) uri kubera kuri Golden Tulip mu Mujyi wa Nyamata, bazagaruka i Kigali habura umunsi umwe ngo habe ibirori byo gutora Nyampinga w’u Rwanda.

Kuri uyu wa 14 Gashyantare 2017 abantu bo mu bihugu hafi ya byose ku Isi bizihije umunsi wahariwe abakundana [Saint Valentin] . Aba bakobwa baganirijwe ku ngingo ijyanye n’uyu munsi benshi bakerekana ko utabashishikaje cyane kuko ‘iby’urukundo batabirimo’ abandi bakavuga ko batawemera.

Muri aba bakobwa bose nta n’umwe wahawe impano mu kwizihiza Saint Valentin ndetse mu kiganiro bagiranye na RBA bose bigaramye iby’urukundo, buri wese yashimangiye ko nta musore bakundana afite. Ibi si bishya mu bakobwa bahatanira Miss Rwanda kuko no mu myaka yatambutse nta mukobwa wigeze avugira mu itangazamakuru yemera ko afite umukunzi.

Umuhoza Simbi Fanique wo mu Karere ka Kirehe mu Burasirazuba ngo nta mukunzi wihariye afite ndetse ku munsi w’abakundana yazirikanye abafana be barimo Rwarutabura [usanzwe mu bafana b’imena ba Rayon Sports].

Ati “Njyewe ntawe uhari ariko barahari benshi. Uwuhe se ko ngira abakunzi batandukanye. Uyu munsi wa Saint Valentin nywutuye abafana banjye na Rwarutabura n’abandi benshi.”

Ashimwe Fiona Doreen umwe mu bahagarariye Umujyi wa Kigali na we yahamije ko ku myaka 20 nta musore agira bakundana. Ati “Nta mukunzi mfite wihariye ariko mfite abakunzi benshi, mfite umuryango, mfite mama ndamukunda cyane, mfite inshuti […] Yego Nyampinga yemerewe gukundana, ni umuntu nk’abandi kandi gukundana nkeka ko ari ibyiyumvo kandi umuntu wese yemerewe kugira ibyo byiyumvo.”

Uwitwa Umutoni Tracy Ford we yanahamije ko uretse kuba atagira umusore bakundana ngo ntiyemera ibijyanye no kwizihiza umunsi wa Saint Valentin biturutse ku myemerere ya gikirisitu yifitemo.

Video: Uburyo abakobwa bari guhatanira Miss Rwanda bafata umunsi wa Saint Valentin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza