Zabyaye amahari hagati y’umuryango wa Nipsey Hussle n’umugore babyaranye bwa mbere

Yanditswe na Muvunyi Arsène
Kuya 28 Gicurasi 2019 saa 11:32
Yasuwe :
0 0

Umuryango w’umuraperi uherutse kwicwa, Nipsey Hussle uri mu ntambara n’uwo babyaranye bapfa umwana we w’umukobwa w’imyaka 10.

Umuraperi Ermias Davidson Asghedom, wari uzwi mu muziki nka Nipsey Hussle yarasiwe mu Mujyi wa Los Angeles ku wa 31 Werurwe 2019 ahita yitaba Imana.

Yasize abana babiri barimo uwitwa Emani Asghedom ufite imyaka 1o na Kross Asghedom ufite imyaka itatu.

Ikinyamakuru TMZ cyanditse ko umuryango wa nyakwigendera uri kuburana na nyina wa Emani aho buri ruhande rushaka kumurera.

Umuryango wa Nipsey utanga impamvu z’uko imyitwarire y’uyu mugore witwa Tanisha Foster idakwiye umubyeyi ari nayo mpamvu bifuza kumutandukanya n’umwana we.

Uyu mugore yakunze gutabwa muri yombi akurikiranyweho gutwara imodoka yasinze, ndetse yagiye anarenga ku mategeko yahawe mu gihe yabaga yarekuwe.

Emani kuri ubu abana na nyirasenge witwa Samantha, umugore w’umucuruzi, ibintu Tanisha Foster adashaka.

Bivugwa ko uyu muryango uteganya ko umwana yazajya abonana na nyina ariko batabana.

Mu cyumweru gishize Tanisha yavugiye mu rukiko ko hashize amezi menshi atabonana n’umwana we. Iburanishwa rizasubukurwa muri Nyakanga.

Nipsey Hussle yatabarutse ataraze abana be, bivuze ko bazagabana umutungo wa miliyoni $2 yasize.

Tanisha avuga aramutse abonye miliyoni imwe y’amadorali ya Amerika yayifashisha mu kurera umwana we neza, ibintu umuryango wa se udakozwa.

Emani Asghedom umukobwa wa Nipsey Hussle yateje impaka mu miryango
Tanisha Foster arashaka kurera umwana we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza