Nyampinga wa Afurika y’Epfo yatorewe kuba Miss Universe 2019

Yanditswe na Nsengiyumva Emmy
Kuya 9 Ukuboza 2019 saa 08:39
Yasuwe :
0 0

Zozibini Tunzi, umwiraburakazi wa mbere wo muri Afurika y’Epfo akaba n’uwa gatatu uturuka muri iki gihugu utsindiye iri kamba, yatowe nka Miss Universe 2019.

Zozibini Tunzi ufite metero 1.78 yavutse tariki 18 Nzeri 1993 bivuze ko afite imyaka 26 y’amavuko.

Uyu mukobwa ukiri muto w’umwirabura wavukiye ahitwa Tsolo muri Afurika y’Epfo yegukanye ikamba rya Miss Universe 2019 ryatanzwe mu ijoro ryo kuri iki Cyumweru tariki 8 Ukuboza 2019 muri Leta Zunze Ubumwe za Amerika mu mujyi wa Atlanta ho muri Leta ya Georgia.

Umukobwa wari uhagarariye igihugu cya Puerto Rico, Madison Anderson yatorewe kuba igisonga cya mbere mu gihe uwari uhagarariye Mexico, Sofia Aragon we yabaye igisonga cya kabiri.

Uyu munyafurika y’Epfo yatowe asimbuye uwegukanye ikamba mu mwaka wa 2018 witwa Catriona Gray wo muri Philippines.

Uyu mukobwa wegukanye ikamba rya Miss Universe 2019 yari asanganywe ikamba rya Nyampinga wa Afurika y’Epfo muri uyu mwaka.

Zozibini Tunzi ubwo yasubizaga ibibazo byatumye ahabwa ikamba
Zozibini Tunzi , Umwiraburakazi wo muri Afurika y’Epfo yatorewe kuba Miss Universe 2019

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza