Apôtre Gitwaza yateye umutoma umugore we ku isabukuru ye y’amavuko

Yanditswe na IGIHE
Kuya 19 Werurwe 2018 saa 10:37
Yasuwe :
1 0

Umuyobozi w’Itorero Zion Temple Celebration Centre ku Isi, Apôtre Dr Paul Gitwaza, yifurije isabukuru nziza y’amavuko umugore we Pasiteri Nyinawingeri Gitwaza Angelique, amubwira amagambo amushimagiza uburyo amuba hafi buri munsi mu murimo w’Imana no mu mibanire isanzwe.

Pasiteri Nyinawingeri Angelique yavutse ku wa 18 Werurwe 1971.

Mu butumwa yanyujije ku rukuta rwe rwa Facebook kuri iki Cyumweru, tariki ya 18 Werurwe 2018, Apôtre Gitwaza yagize ati “Isabukuru nziza y’amavuko ku mugore uzwi nka Mama Pasiteri Angelique N. Gitwaza. Wambereye umugisha ukomeye mu buzima bwanjye, ubw’abana bacu n’ubw’abakirisitu twasigiwe kuyobora.”

Yakomeje agira ati “Kwitanga utizigamye, umurava n’urukundo byawe byambereye akabando ko kwagura Ubwami bw’Imana no kuzuza umugambi wayo kuri njye.”

Apôtre Dr Paul Gitwaza yasabye Imana gukomeza kumufasha no kumurinda mu myaka yose iri imbere ye.

Yagize ati “Tunezerewe n’ubuzima bwawe uyu munsi kandi tukwifurije imigisha myinshi mu buntu bw’Imana busaga. Ndinginga Imana ikongerere imyaka yo kubaho kandi ikomeze iguhaze ibyishimo by’iteka.”

Dr Paul Gitwaza wavukiye muri Repubulika Iharanira Demokarasi ya Congo na we yakorewe ibirori by’isabukuru ye y’imyaka 46 y’amavuko ku wa 15 Kanama 2017 mu rusengero rwa Zion Temple Gatenga.

Icyo gihe umugore we Pasiteri Nyinawingeri Angelique wari muri Leta Zunze Ubumwe za Amerika yamwoherereje ubutumwa amwifuriza amwifuriza kuzarama kugeza abonye ubuvivi bwe.

Apôtre Dr Paul Gitwaza na Pasiteri Nyinawingeri Angelique bafitanye abana batatu b’abahungu baba muri Amerika.

Apôtre Gitwaza yateye umutoma umugore we ku isabukuru ye y’amavuko
Apôtre Gitwaza yavuze ko umugore we yitanga atizigamye
Pasiteri Nyinawingeri Angelique w'imyaka 47 nawe akora ivugabutumwa muri Zion Temple yatangijwe n'umugabo we
Apôtre Gitwaza na Nyinawingeri Angelique bafitanye abana batatu b'abahungu
Apôtre Gitwaza yifurije umugore we imigisha myinshi ku isabukuru ye y’amavuko
Apôtre Dr Paul Gitwaza n'umugore we Angelique Nyinawingeri ubwo hatangizwaga igiterane ngarukamwaka cy’ububyutse ‘Africa Haguruka’ mu 2017
Apôtre Dr Paul Gitwaza na Pasiteri Nyinawingeri Gitwaza Angelique n'abana babo baba muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza