Kwamamaza

I Kigali hagiye kubera iserukiramuco ry’indirimbo zihimbaza Imana

Yanditswe kuya 19-10-2016 saa 07:44' na IGIHE


Ku nshuro ya mbere mu Rwanda hagiye kubera iserukiramuco ry’indirimbo zihimbaza Imana ‘Himbaza Gospel Festival’ guhera ku itariki ya 4 Ukuboza 2016.

Iserukiramuco‘Himbaza Gospel Festival’ riteguwe mu gihe bikunze kuvugwa ko umuziki w’indirimbo zo mu cyiciro cya Gospel wasigaye inyuma mu iterambere uwugereranije n’umuziki ukorwa n’abahanzi basanzwe. Iri serukiramuco rigamije guteza imbere umuziki uhimbaza Imana.

Abategura iri serukiramuco bemeza ko ryatangijwe kugirango rirusheho kwereka abahanzi bakora umuziki wo gusingiza Imana ko batasigaye inyuma ahubwo ko bakwiye gukora cyane kugirango nabo muzika bakora ibashe kubateza imbere.

Umuvugizi wa ‘Himbaza Gospel Festival’, Florent Ndutiye yavuze ko umuziki uririmbiwe gusingiza imana ugira akamaro kanini cyane kuko uhindura abantu bakarushaho kuyoboka ubwami bw’Imana ariko kandi ngo ukwiye no kugira uruhare mu guteza imbere abahanzi bawukora.

Yagize ati “Kugeza ubu usanga abahanzi bakora umuziki wa gospel basa n’abasigaye inyuma cyane urebye ku isoko rya muzika y’u Rwanda, iri serukiramuco rero igamije gushyira icyizere mu bahanzi no kwibutsa ibigo binini mu Rwanda ko abahanzi bakora gospel na bo bakwifashishwa mu bikorwa by’aya masosiyeti “

Umuvugizi w’iserukiramuco avuga ko kugeza ubu usanga ikigo runaka iyo cyagennye gukora ibikorwa usanga amahitamo ya mbere ari abahanzi bakora indirimbo benshi bita iz’Isi [secural music] ariko ngo asanga igihe kigeze kugirango ibi bihinduke.

Ndutiye ati “ Mu bihugu nka Kenya usanga abahanzi bakora gospel bafite agaciro cyane, dukeneye ko na hano abahanzi bacu batera imbere bakanahabwa agaciro kurushaho”

Iri serukiramuco biteganijwe ko rizaba ku itariki ya 4 Ukuboza 2016 mu Mujyi wa Kigali ndetse ngo rizakomeza kuba no mu myaka itaha aho hazajya hatumirwa byibura umuhanzi umwe wagize aho agera ku rwego mpuzamahanga akaza kuganiriza abahanzi bakora gospel mu Rwanda kugirango bamwigireho.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved