Kwamamaza

Korali Bethlehem igiye gukora ibirori byo kwizihiza imyaka 50 imaze

Yanditswe kuya 30-11-2016 saa 15:56' na IGIHE


Korali Bethlehem yo muri ADEPR Gisenyi mu Karere ka Rubavu yateguye ibirori bikomeye byo kwizihiza isabukuru y’imyaka 50 imaze ishinzwe, bizaba guhera tariki ya 5 Ukuboza 2016 kuwa 11 Ukuboza 2016.

Ibirori nyamukuru byo kwizihiza isabukuru ya Korali Bethlehem bizabanzirizwa n’igiterane cyiswe ‘Bethlehem Evangelical week’. Iki giterane na cyo kizakurikira ibindi bikorwa byo gufasha bizabera hirya no hino mu gihugu.

Mu bikorwa byabanjirije ibizakorwa mu cyumweru cyiswe ’ Bethlehem Evangelical week’, Korali Bethlehem banatanze inkunga y’amafaranga miliyoni imwe yo kuzarangiza inyubako y’urusengero rwari rwarananiranye kuzura kubera amikoro make.

Umuyobozi w’iyi korali, Muhire Innocent yavuze ko iki gikorwa kibanjirije ibindi bikorwa biteganyijwe mu ntangiriro z’ukwezi k’Ukuboza 2016 , ubwo Korali Bethlehem izaba yizihiza imyaka 50 imaze ibayeho , bakazakoramo ibindi bikorwa by’ivugabutumwa, gufasha abatishoboye ndetse bazasura abagororwa bari muri gereza ya Nyakiriba.

Yagize ati "Ubu tuvuye mu masengesho y’iminsi itatu yo gusengera Bethlehem week . Amasengesho yabereye ku mudugudu wa Kirwa kandi twahabwirije ubutumwa bwiza haba mu ijambo ry’Imana ndetse dutanga imyambaro ku batishoboye, tunatanga amafaranga miliyoni imwe kugirango izabunganire mu kuzuza neza urusengero rutameze neza .”

Yongeyeho ati “Ubu turi gutegura neza ibikorwa tuzakora mu cyumweru tuzaba twizihizamo imyaka 50 Korali Bethlehem imaze ibayeho. Ni ibyishimo n’umunezero ukomeye cyane kubona hari abasaza n’abakecuru , abantu bakomeye cyane mu gihugu bakoze umurimo muri iyi korali, twese tuzaba twishimira imirimo ikomeye Imana yadushoboje gukora.”

Ibirori byo kwizihiza isabukuru y’imyaka 50 iyi korali imaze ishinzwe bizabera mu Ntara y’Uburengerazuba mu Karere ka Rubavu .

Hazabera igiterane cy’amasengesho kizamara icyumweru, kizatangira ku wa mbere tariki 5 Ukuboza 2016 kizasozwa ku Cyumweru tariki 11 Ukuboza 2016.

Iyi korali iherutse guhabwa igihembo muri Groove Awards

Abavugabutumwa bazabwiririza muri iki gitaramo ni Bishop Tom Rwagasana , Rev. Zigirinshuti Michel , Pasiteri Desire Habyarimana , Ev. Edisa , Chorale Amahoro ya ADEPR Remera n’itsinda ryitwa ‘Palanjos Brothers’ rizava muri Tanzania.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved