Korali Narada yakoze igitaramo cyo kumurika album isaruramo asaga miliyoni enye

Yanditswe na Sengurebe Joel
Kuya 14 Werurwe 2017 saa 07:40
Yasuwe :
1 0

Korali Narada imwe mu zikunzwe cyane mu itorero Église Méthodiste Libre au Rwanda yakoze igitaramo gikomeye cyo kumurika album y’amashusho yise ‘Muririmbire Uwiteka’ igurwa akayabo kagera kuri miliyoni enye z’amafaranga.

Iyi korali ibarizwa muri Paruwasi ya Kicukiro Shell yakoze iki gitaramo cyo kumurika album ku Cyumweru tariki ya 12 Werurwe 2017, yaririmbye ifatanyije n’andi makorali akunzwe mu Rwanda arimo Vuzimpanda ya EPR Kamuhoza, Elayono Ministries ,Korali Ibyiringiro n’umuhanzi Uzayisenga Isaie.

Muri iki gitaramo umuvugabutumwa ukomeye witwa Barakagira Pascal yigishije ijambo ry’Imana benshi baranyurwa, amaze gusoza inyigisho ye hakurikiyeho umuhango wo kumurika CD ibumbiyeho indirimbo zigize album ‘Muririmbire Uwiteka’. Uyu muhango wakozwe ku bufatanye bw’umushumba wa Église Méthodiste Libre, Paruwasi ya Kicukiro Shell afatanyije n’ubuyobozi bwa korali Narada.

Ubwo bamurikaga CD ibumbiyeho indirimbo za Korali Narada

Igitaramo cya Korali Narada cyaranzwe n’ubwitabire bukomeye, cyatangiye saa saba z’amannywa gisozwa mu masaha asatira umugoroba wo kuwa 12 Werurwe 2017. Abakunzi b’umuziki w’indirimbo zihimbaza Imana banyuzwe n’imiririmbye y’abagize iyi korali dore ko banaririmbye mu buryo bwa live mu gihe kigera ku isaha ari nako yishimiwe.

Korali Narada yabanjirijwe n’andi makorali yari yaje kuyifasha, mbere yo kuririmba yabanje gukora akarasisi kanogeye ijisho nyuma ihita yanzika n’umuziki. Album y’amashusho iyi korali yamuritse yatewe inkunga n’abakirisitu ihwanye n’amafaranga arenga gato miliyoni enye z’amafaranga y’u Rwanda nk’ikimenyetso cy’uko indirimbo ziyigize zifite uburyohe bwihariye ku bantu benshi.

Abakunzi b'umuziki bari bishimiye Korali Narada
Korali Narada yerekanye ko yari imaze igihe kinini yitoza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza