Kwamamaza

Turiya twana tw’utumayibobo mutwubahe,…ni agakwe, agakazana kawe-Bamporiki

Yanditswe kuya 31-10-2016 saa 11:34' na Jean Pierre Tuyisenge


Ubwo yari mu gikorwa cyiswe ’My Identity’, gihuza urubyiruko ruturuka mu bigo bitandukanye, Depite Bamporiki Edouard yabibukije ko abantu bakwiye kujya bibuka aho Imana yabakuye nyuma yo kugira aho bagera anabasaba kubaha abagaragara nk’abaciriritse kuko ngo usanga bahindutse abakomeye mu gihe gito.

My Identity bisobanuye ‘Uwo ndiwe’, yatangijwe mu 2014, hashingiwe ku guhuza urubyiruko ruturuka mu bigo bitandukanye bagahuzwa no kuganira banarebera hamwe uko bazamurana ariko byose bigakorwa buri wese atekereza umwanya afite mu murimo w’Imana.

Itegurwa na Women Foundation Ministries. Iy’uyu mwaka yabaye ku wa Gatandatu, tariki ya 29 Ukwakira 2016 ahasanzwe habera inama zikomeye n’imurikagurisha, Kigali Conference and Exhibition Village (Camp Kigali).

Ubwo yatangaga ubuhamya bw’ubuzima yaciyemo, Depite Bamporiki yavuze ko ntaho Imana itakura umuntu kandi ko nta n’aho itamugeza.

Yagize ati “ Mbabwiye aho Imana yankuye bwakwira bugacya, Imana yambwiye ko nzaba umudepite ndi mu cyumba cy’amasengesho cy’umukecuru, yambwiye ibintu utabona ahantu byanyura ariko isezerano ryarasohoye.”

Depite Bamporiki yasabye abari bateraniye aho guha agaciro abana bo mu muhanda bazwi nka mayibobo.

Yagize ati “ Mujya mubona turiya twana tw’utumayibobo, mutwubahe kuko kariya ni agakwe kawe, ni agakazana ka we.”

Ibi yabivuze nyuma yo gutanga ubuhamya bw’ukuntu yabayeho nabi mu Mujyi wa Kigali ndetse na mbere yuko aza i Kigali, ariko nyuma akaza kuba umuntu ufitiye abandi akamaro.

Perezida wa Komisiyo y’Ubumwe n’Ubwiyunge, Musenyeri John Rucyahana, na we yasabye abari aho kutagerageza kwihindura abo batari bo ahubwo bakazirikana indangagaciro za gikiristu banazirikana aho bavuye.

Yatanze ubuhamya bw’ubuzima yabayemo mu buhungiro imyaka igera kuri 30 ariko Imana ikaza kumukurayo akavuga ko adashobora kubyibagirwa.

Yavuze ko bigoye guhisha ikikuranga (Identity), agira ati “Njya kwinjira hano nari nambaye karuvati nyikuramo kugira ngo ndebe ko namera nk’urundi rubyiruko, ariko nubwo nashatse kwigira nkamwe ntabwo byakunze kuko nayikuyemo ariko imvi sinazikura ku mutwe.”

Yasabye abantu bose kugumana indangagaciro za gikirisitu aho bajya hose.

Igikorwa cyo gusaba abantu kutibagirwa aho bavuye cyagarutsweho na Apôtre Mignone Alice Kabera, Umuyobozi Mukuru wa Women Foundation Ministries na Noble Family Church, akaba ari na we wagize ihishurirwa ryo gutangiza igikorwa cya ‘My Identity’, wavuze ko hari abantu bazamurwa mu ntera, bamara kwamamara bagahita bigira ibitangaza bakibagirwa aho Imana yabakuye.

Mu byo yababwiye, yabasabye kwirinda kwibagirwa Imana, no kwibagirwa bagenzi babo.

Yagize ati “Ukaba wari umugore wirirwa wicaye mu rugo, umugabo agakora akakuzamura wamara kugira aho ugera ukamugira uko ushaka.”

My Identity ya 2016, yitabiriwe n’abantu benshi b’ibyamamare hano mu Rwanda barimo abahanzi baririmba indirimbo zihimbaza Imana n’izisanzwe, abo muri Sinema, abanyamideli, ba Nyampinga batandukanye, abayobozi b’ibigo bikomeye mu Rwanda byaba ibya Leta n’ibyigenga n’abandi.

Umuhanzi Serge Iyamuremye (ibumoso) yari yitabiriye igikorwa cya My Identity
Depite Bamporiki yasabye abari aho kubaha abo babona baciye bugufi
Musenyeri Rucyahana yabasabye guhora barangwa n’indangagaciro za gikirisitu aho bari hose
Young Grace nawe yari ahari
King James na Alex Muyoboke bari bitabiriye igikorwa cya My Identity
Ba Nyampinga Joanna, Flora na Sharifa bitwaye neza nk’abanyamideri b’umwuga baranashimirwa
Abahanzi Charly na Nina mu byamamare byari muri My Identity
Apôtre Mignone Alice Kabera niwe watangije iki gikorwa
Depite Bamporiki yasangije abari aho amwe mu mateka ye mbere yo kwinjira mu Nteko Ishinga Amategeko
Miss Sharifa, igisonga cya kane cya Miss Rwanda 2016
Miss Kwizera Peace, igisonga cya mbere cya Miss Rwanda 2016 nawe yari ahari
Umuhanzi Patient Bizimana (iburyo) na Pastor BDP bari babukereye
Musenyeri John Rucyahana ashyikirizwa igikombe cy’ibikorwa yakoze basaba ko byabera abandi urugero

Amafoto: Mahoro Luqman


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved