Adele agiye gusubukura ubukwe bwe bwapfubye kuri Noheli

Yanditswe na Dusabimana Aimable
Kuya 3 Mutarama 2017 saa 09:05
Yasuwe : XX
0

Umuririmbyi w’Umwongereza Adele Laurie Blue Adkins agiye gukora ubukwe n’umukunzi we bamaranye imyaka itanu babana nk’umugore n’umugabo mu buryo butemewe n’amategeko.

Ikinyamakuru Mirror cyo mu Bwongereza cyatangaje ko Adele waririmbye ’Hello’ n’umukunzi we Simon Konechi bateganyaga gukorera ubukwe mu Mujyi wa Los Angeles kuri Noheli biza kuba ngombwa ko busubikwa biturutse ku kuba abavandimwe b’umugabo batari kubasha kuhagera mu bihe by’iminsi mikuru.

Umwe mu bantu b’inshuti za hafi z’aba bombi yabwiye iki kinyamakuru ko bibutse gutumira abantu mu bukwe bwabo bakerewe yongeraho ko babusubitse bitewe no kuba butari bwitabirwe n’inshuti n’imiryango.

Ati "Adele na Simon ni abantu batekereza cyane ku miryango yabo n’abantu b’inshuti za hafi ku munsi wabo, ibyo byatumye bahitamo gusubika ubukwe bwabo babwimurira ikindi gihe."

Yakomeje agira ati "Gahunda y’ubukwe iracyahari vuba aha cyane gusa icyo bataremeza neza ni umunsi buzaberaho n’aho buzabera."

Adele w’imyaka 28 na Simon Konechi w’imyaka 42 batangiye gukundana mu mwaka wa 2011, bafitanye umwana umwe bise Angelo James Konechi babyaranye mu 2012.

Adele n'umukunzi we bagombaga gukora ubukwe kuri Noheli ntibyakunda

Konechi ugiye kurushinga na Adele asanzwe afite undi mwana ufite imyaka 9 yabyaranye n’umugore we wa mbere witwa Clary Fisher bamaranye imyaka ine, kuva mu 2004 kugeza mu 2008.

Adele ni umwe mu buhanzi bubashywe cyane aho akomoka mu Bwongereza ndetse no ku Isi muri rusange. Yatangiye kuririmba muri 2006 amenyekana cyane mu ndirimbo ’Hello’, ’When We Were Young’, ’Send My Love’ n’izindi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza