Kwamamaza

Adele, umuhanzi w’umunyamafaranga kurusha abandi mu Bwongereza

Yanditswe kuya 9-11-2016 saa 11:37' na IGIHE


Umuhanzi w’Umwongereza Adele Laurie Blue Adkins MBE yaje ku mwanya wa mbere mu bahanzi bafite amafaranga menshi mu Bwongereza, kugeza ubu atunze miliyoni 114 z’amadolari.

Ikinyamakuru Britain’s Heat cyasohoye urutonde rw’abahanzi bafite amafaranga menshi mu Bwongereza, Adele wamamaye mu ndirimbo ‘Hallo’ aza ku isonga. Amaze kuba umunyamafaranga ukomeye ku Isi ndetse muri iki gihe arayingayinga abaririmbyi bubatse izina muri Amerika.

Adele amaze kugwiza miliyoni 114 mu gihe mu mwaka washize yari atunze miliyoni 47 z’amadolari. Aya mafaranga yose yiyongereye ku muvuduko wo hejuru kubera album yasohoye umwaka ushize yitwa ‘25’ iri no mu zacurujwe cyane ku Isi.

Muri Nzeri 2016 Adele yesheje agahigo nk’umuhanzi wacuruje kopi nyinshi za album muri Leta Zunze Ubumwe za Amerika mu myaka cumi n’ibiri ishize. Ni na we muhanzi wo mu Bwongereza wakoze aya mateka yo gucuruza kopi miliyoni icumi muri iki gihugu.

Afite indi album yitwa ‘21’ yasohoye mu mwaka wa 2011, icyo gihe ikigo cya Recording Industry Association of America cyamuhaye igihembo cy’umuhanzi ufite ‘album yahawe inyenyeri ya diyama. Kugeza ubu imaze gucuruzwamo kopi zisaga miliyoni 14.

Mbere ya Adele, hari abandi bahanzi bakoze album zigacuruzwamo kopi zigera kuri miliyoni icumi barimo Usher muri 2004, Eminem na Norah Jones mu mwaka wa 2002.

Album ya gatatu ya Adele yayise "25", yasohotse ku itariki ya 20 Ugushyingo 2015 ndetse niyo iri imbere mu zaguzwe cyane kurusha izindi.

Abahanzi icumi ba mbere bafite amafaranga menshi mu Bwongereza:

1)Adele, ($114 million)
2) Daniel Radcliffe, ($91.6, Harry Potter)
3) Ed Sheeran, ($55.8 million)
4) Zayn Malik, ($47.1 million)
5) Harry Styles, ($45.8 million)
6) Emma Watson, ($43.3 million, Harry Potter)
7) Liam Payne, ($42.1 million)
8) Niall Horan, ($42.1 million)
9) Louis Tomlinson, 24 ($40.9 million)
10) Rupert Grint, 28 ($35.9 million, Harry Potter)


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved