Kwamamaza

Amafoto atangaje mu birori bya Halloween byambarwamo ibisa nk’iby’abapfuye

Yanditswe kuya 1-11-2016 saa 15:25' na IGIHE


Abiganjemo urubyiruko rw’abanyeshuri mu Mujyi wa Birmingham bizihije mu buryo bwihariye ibirori ngarukamwaka bya Halloween byizihijwe mu ijoro ryo kuri uyu wa 31 Ukwakira 2016.

Daily Mail yakusanyije amafoto yihariye yaranze ibirori bya Halloween mu Mujyi wa Birmingham mu Bwongereza aho iki kinyamakuru cyibanze ahanini mu duce twiganjemo inzu z’urubyiniro ahari umudiho ukomeye mu rubyiruko rwizihije uyu munsi ufatwa nk’udasanzwe kuri benshi.

Imyambarire yaranze iri joro yari yiganjemo kwambara hagamijwe kwiyerekana mu ishusho y’inyamaswa z’inkazi, kwisiga ibisa n’amaraso mu maso bigaragaza nk’abapfuye ndetse hari n’abari bambaye nko muri filime y’uruhererekane ya Harry Potters.

Mu bari baje kwizihiza ibirori hari abarushijwe imbaraga n’agasembuye barara ku mihanda abandi bafotorwa basinziriye bahagaze ndetse hari n’abagize ibibazo by’ubuzima polisi ibashyira mu modoka itwara abarwayi ibajyana kwa muganga.

Halloween ni umunsi mukuru wo kwibuka abapfuye bose, ubusanzwe wizihizwa mu bihugu byo mu Burayi n’Amerika tariki 31 Ukwakira, aho usanga abantu baba bambaye nk’amajyini, bisize amarangi, n’ibindi bintu bidasanzwe byose biganisha ku rupfu.

Uyu munsi mukuru usanzwe uba ku itariki ibanzizira iyo kwizihiza umunsi mukuru Abakirisitu bibukiraho abatagatifu bose (All Saints’ Day) uba kuya 1 Ugushyingo.

Mu mpera za 2013, Minisiteri y’Umuco na Siporo yari yamaganye iyizihizwa ry’uyu munsi ku bwo kuba uhabanyije n’umuco nyarwanda ndetse ngo hari benshi byabangamiraga.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved