Angelina Jolie na Brad Pitt banzuye gukomeza imanza za gatanya mu ibanga

Yanditswe na Philbert Girinema
Kuya 11 Mutarama 2017 saa 09:59
Yasuwe :
0 0

Abakinnyi b’ibyamamare muri sinema, Angelina Jolie n’umugabo we Blad Pitt bafashe umwanzuro wa mbere bahurizaho kuva bacana umubano, umugore ashinja umugabo imico idahitswe irimo kutarera neza abana babo.

Urukundo rwa Brad Pitt w’imyaka 51 na Angelina Jolie ufite 41 rwatangiye kwamamara kuva mu 2004, ariko baza gushyingiranwa muri Kanama 2014. Aba bombi batandukanye muri Nzeri 2016, bari bamaranye imyaka igera kuri 12 bakundana byeruye.

Itangazo bahuriyeho ryasohowe muri The People Magazine rivuga ko ’Impande zombi n’abunganizi mu by’amategeko zasinye amasezerano kugira ngo habungabungwe uburenganzira ku buzima bwite bw’abana babo ndetse n’umuryango.’

Angelina Jolie na Brad Pitt bemeranyijwe ko ibyanditswe mu mpapuro z’ibirego bya gatanya bigirwa ibanga ndetse bashaka n’umucamanza bahuriyeho ugomba kubafasha kurinda amakuru yose y’ibyerekeranye n’itandukana ryabo ataragiye hanze kugira ngo biborohere gukemura ibibazo bafitanye bitabaye ngombwa ko bisakara mu itangazamakuru n’ahandi.

Angelina Jolie na Brad Pitt basanzwe bafite abana batandatu barimo Maddox, Pax, Zahara barera mu muryango ndetse na Shiloh, n’impanga Knox na Vivienne babyaranye.

Urukundo rwa Brad Pitt na Angelina Jolie rwatangiye kwamamara kuva mu 2004
Angelina Jolie na Brad Pitt basanzwe bafite abana batandatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza